विप्लव समूहका जिल्ला सदस्यद्वारा पार्टी परित्यागको घोषणा

माघ २२, २०७६ बुधबार १८:२५:१९ | जनार्दन घिमिरे

गुल्मी - गुल्मीमा नेकपा विप्लव समूहका जिल्ला सदस्य गोबिन्दबहादुर विकले पार्टी परित्याग गरेको घोषणा गर्नुभएको छ । गुल्मी मुसिकोट नगरपालिका ८ वामी मैदानका ४२ वर्षीय विकले बुधबार विज्ञप्ति निकालेर गरी आफूले पार्टी परित्याग गरेको घोषणा गर्नुभएको हो ।

चार वर्ष अघिदेखि विप्लव नेतृत्व समूहमा आबद्ध भए पनि विगत तीन वर्षदेखि आफू भारतमा काम गर्दै आएकोले उक्त समूहको कुनै पनि जिम्मेवारी समितिमा रही आफूले काम नगरेको विज्ञप्तिमा उल्लेख छ ।

विप्लव समूहमा लागेको आशंकामा प्रहरीले पक्राउ गरी आफूलाई गएकाे ११ दिनदेखि प्रहरी हिरासतमा राखेकाे भन्दै विकले पारिवारिक कारण देखाउँदै पार्टीका कुनै पनि क्रियाकलापमा संलग्न नरही स्वतन्त्र नागरिकको रुपमा जीवन यापन गर्न चाहेको बताउनु भएकाे छ ।

विकलाई व्यक्तिगत कामको लागि बुटवल जाने क्रममा गत माघ १२ गते गुल्मीको सदरमुकाम तम्घासमा रहेकाे उदिनढुंगाबाट प्रहरीले पक्राउ गरेको थियो । प्रशासनले पछिल्लो समयमा जिल्लामा विप्लव समूहको गतिविधिहरुमाथि कडा निगरानी गर्दै आएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्