दिलीप महतोको हत्यामा संलग्न तीन जना आरोपित जेल चलान

फागुन २, २०७६ शुक्रबार १५:२८:२२ | सुभाष कर्ण

धनुषा - मिथिला नगरपालिकाका दिलीप महतोको हत्यामा संलग्न तीन जना आराेपिलाई पुर्पक्षका लागि जेल चलान गरिएको छ । घटनामा संलग्न रहेका अन्य तीन जना आरोपितलाई भने धरौटीमा रिहा गरिएको छ ।

जिल्ला अदालत धनुषाका न्यायाधीश केशवप्रसाद घिमिरेको इजलासबाट क्रसर सञ्चालक विपिन महतो, टिप्पर चालक मुनिन्द्र महतो, लोडर चालक 'रञ्जित' भनिने जितेन्द्र महतोलाई पुर्पक्षका लागि जेल चलान गरिएको हो ।

आरोपितमध्ये दिलीपसँगै खोलामा गएका रोशनकुमार यादव, घटनामा संलग्नता देखिएका सत्यनारायण महतो र शत्रुधन महतोलाई जनही २५ हजार रुपैयाँ धरौटी लिइ साधारण तारेखमा रिहा गरिएकाे जिल्ला अदालत धनुषाले जनाएको छ ।

अदालतले क्रसर सञ्चालक विपीन महतो, टिप्पर चालक मुनिन्द्र महतो र सह–चालक जितेन्द्र महतोको संलग्नताको आधार र प्रमाण देखिएकाले थुनछेक बहसका लागि थुनामा राख्न आदेश दिएको छ ।

रोशनकुमार यादवलाई घटनालगत्तै खबर गरेको र रोशन–दिलीपबीच कुनै किसिमको वैमनश्यता नरहेको देखिएको कारण तारेखमा छाडिएको हो । यस्तै सत्यनारायण र शत्रुधनलाई घटनामा प्रत्यक्ष संलग्नता नदेखिएकाले तारेखमा रिहा गरिएको हो  ।

गएको पुस २५ गते बिहान घर नजिकैको औरही खोलामा भइरहेको अवैध उत्खनन रोक्न गएको बेला टिप्परले किचेर धनुषाको मिथिला नगरपालिका ५ श्रीपुरका २४ वर्षीय युवक दिलीप महतोको हत्या भएको थियो ।

जिल्ला प्रहरी कार्यालय धनुषाले उनीहरुलाई गएकाे पुस २७ गते राति पत्रकार सम्मेलन गरी दिलीपलाई फलामको लिभरले कोखामा घोची हत्या गरी घटनालाई दुर्घटनामा परिणत गर्न टिप्परले किचिएको जनाएको थियो ।

हत्याको दुई दिन नबित्दै प्रहरीले चुरियामाई प्रशाेधन उद्योगका सञ्चालक विपीन महतो, टिप्पर चालक मुनिन्द महतो, साथी रोशन महतो लगायत चार जनालाई पक्राउ गरी सार्वजनिक गरेको थियो ।

त्यसको केही दिनपछि फेरि दुई जनालाई पक्राउ गरिएको थियो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्