सफल पाेखरा अन्तर्राष्ट्रिय म्याराथनको उपाधि जापानी धावक यत्सुके थाकानासीलाई

फागुन ३, २०७६ शनिबार १४:३६:३१ | सुमन गुरुङ

कास्की - १४ औँ संस्करणको सफल पोखरा अन्तर्राष्ट्रिय म्याराथन प्रतियोगिताको उपाधि जापानी धावक यत्सुके थाकानासीले जित्नुभएको छ ।

उहाँले २ घण्टा २६ मिनेट ५१ सेकेण्डमा ४२ दशमलव १९५ किलोमिटर दूरी पूरा गर्दै उपाधि जित्नुभएको हो ।

निर्धारित दूरी २ घण्टा २८ मिनेट ०८ सेकेण्डमा पूरा गर्दै सशस्त्र प्रहरी बलका किरण सिंह बोगटी दोस्रो हुनुभयो । उहाँ गत मंसिरमा आयोजित १३ औंँ दक्षिण एसियाली खेलकुद प्रतियोगिताको म्याराथनमा स्वर्ण पदक विजेता खेलाडी हुनुहुन्छ ।

भारतीय सेनामा कार्यरत पर्वतका अनिष थापा तेश्रो हुनुभयो । उहाँले २ घण्टा २९ मिनेटको निर्धारित दूरी पूरा गर्नुभयो । गणेशसिंह ठकुरी चौथो हुनुभएको हो । म्याराथन विजेताले २ लाख, उपविजेताले १ लाख, तेस्रो स्थानका थापाले ७५ हजार र चौथो स्थानमा रहेको ठकुरीले १५ हजार रुपैयाँ सान्त्वना स्वरुप प्राप्त गर्नुभयो ।

यसैगरी १० किलोमिटर पुरुषतर्फको प्रतिस्पर्धामा स्याङजाका पूर्णबहादुर कार्की, मोरङका याङदेव राई र पर्वतका आशिष कुँवर हुनुभयो । महिलातर्फ इन्द्रकला राई धरान, अनिता राई सोलु र अमेरिकन धावक वेण्डीले तेस्रो स्थान प्राप्त गर्नुभयो ।

उहाँहरुले पुरस्कार स्वरुप क्रमशः १५, १० र ५ हजार नगद प्राप्त गरेका छन् ।

सफल पोखरा म्याराथनमा १३ देशका २१ जनासहित सय जनाभन्दा बढी सहभागी भएको मञ्चका अध्यक्ष तेजबहादुर गुरुङले जानकारी दिनुभयो । अघिल्लो संस्करणमा पाँच हजारले सहभागिता जनाएका थिए ।

दौड बिहान ७ बजे पोखरा रंगशालाबाट सुरु भएको थियो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्