जाँडरक्सी खाए/नखाएकाे परीक्षण स्थगित हुँदैन : एसएसपी ढकाल

फागुन २१, २०७६ बुधबार १४:२१:१६ | मल्लिका थापा

काठमाण्डाै - ट्राफिक प्रहरीले सवारीचालकमा गर्दै आएको जाँडरक्सी खाए/नखाएकाे परीक्षण स्थगित नभएको प्रष्ट पारेको छ ।

कोरोना भाइरसको त्रासका कारण ट्राफिक प्रहरीले सवारी चालकमा गर्दै आएको जाँडरक्सी खाए/नखाएकाे परीक्षण स्थगित गर्ने भन्ने समाचार गलत भएको महानगरीय ट्राफिक प्रहरी महाशाखाले जनाएको छ ।

महाशाखाका प्रमुख एसएसपी भीम ढकालले ब्रेथलाइजरबाट जाँडरक्सी खाए/नखाएकाे परीक्षण नियमित हुने जानकारी दिनुभयो ।

‘ब्रेथलाइजरबाट कुनै पनि रोगको सङ्क्रमण नहुने स्वास्थ्य विज्ञको सुझाव अनुसार हामी ढुक्क हिसाबले जाँडरक्सी खाए/नखाएकाे परीक्षणलाई निरन्तरता दिन्छौँ', एसएसपी ढकालले भन्नुभयो ।

ब्रेथलाइजरबिना श्वास जाँच्ने काम भने ट्राफिक प्रहरीले बन्द गरिसकेको भन्दै एसएसपी ढकालले ट्राफिक प्रहरीसँग जाँडरक्सी खाए/नखाएकाे परीक्षणका लागि पर्याप्त ब्रेथलाइजर पनि रहेको जानकारी दिनुभयो ।

यसअघि विसं. २०६८ मंसिर १७ गतेबाट सुरु भएको जाँडरक्सी खाएकाे कसुरअनुसार कारबाही गर्ने अभियानले सवारी दुर्घटना कम गर्न महत्वपूर्ण भूमिका खेलिरहेको छ ।

ट्राफिक महाशाखाका अनुसार उपत्यकाभित्र हरेक दिन बेलुका ७ देखि ८ बजेसम्म २६ ठाउँमा नियमित जाँडरक्सी खाए/नखाएकाे परीक्षण हुने गर्छ । राति १२ बजेदेखि बिहानसम्म भने १० ठाँउमा जाँडरक्सी खाए/नखाएकाे परीक्षण हुन्छ ।

जाँडरक्सी खाए/नखाएकाे परीक्षण अभियानबाट जाँडरक्सी खाएर गाडी चलाउनेको सङख्यामा कमी आएको भनिए पनि महानगरीय ट्राफिक प्रहरी माहाशाखामा सचेतना कक्षा लिन आउनेको सङ्ख्या घटेको छैन ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मल्लिका थापा

थापा उज्यालाेमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्