कोरोना सङ्क्रमणले विदेश भ्रमण जोखिमपूर्ण रहेको बेला सांसदहरु खाडीमा

फागुन २४, २०७६ शनिबार १८:१:१७ | उमाकान्त पाण्डे

यूएई – घरेलु कामदारको अवस्थाबारे बुझ्न प्रतिनिधिसभाका १० जना सदस्यको टोली खाडीका विभिन्न देश पुगेको छ ।

विश्वभरि फैँलिदै गएको कोरोना भाइरसको सङ्क्रमणको कारण विदेश भ्रमण जोखिमपूर्ण रहेको बेला नेपाली सांसदहरुको टोली ओमान, आउदी अरब र युएई भ्रमणमा छ ।

उद्योग तथा वाणिज्य र श्रम तथा उपभोक्ता हित समितिका पदाधिकारी एवं राष्ट्रिय मानव अधिकार आयोगका अधिकारीसम्मिलित टोली ओमान, साउदी अरब हुँदै शुक्रबार यूएई आइ पुगेको छ ।

कोरोना भाइरसको फैलिदो सङ्क्रमणको कारण खाडी देशहरुमा समेत उच्च भेटघाटमा कडाइ गरिएको छ । तर प्रतिनिधिसभा सदस्यहरुको जम्बो टोली फागुन १७ गतेदेखि खाडी देशहरुको १० दिने भ्रमणमा रहेको छ ।

टोलीका सदस्यहरुले ती देशका नेपाली दूतावासको संरक्षित गृहमा रहेका केही महिला कामदार तथा सम्बन्धित देशमा रहेका नेपाली संघसस्थाका प्रतिनिधिसँग भेटघाट तथा छलफल गरेका छन् । ओमान तथा साउदी अरबमा रहेका नेपाली प्रतिनिधिसँग समेत छलफल गरेको टोलीले यूएईमा शनिबार उही प्रकृतिको भेटघाट तथा छलफल गर्दै छ ।

साढे चार वर्ष पहिले सांसद प्रभु साहको नेतृत्वको टोलीले दिएको प्रतिवेदनका आधारमा खाडी देशमा घरेलु कामदार पठाउन रोकिएको थियो । त्यही रोकिएको बाटो खुलाउनका लागि अध्ययन गर्न भनेर सांसदहरुको टोली अहिले खाडी पुगेको छ । टोलीले नेपाल फर्केलगत्तै घरेलु कामदार खाडी देश पठाउने बाटो खोल्ने सरकारको तयारी छ ।

प्रतिनिधिसभाअन्तर्गत उद्योग तथा वाणिज्य र श्रम तथा उपभोक्ता हित समितिका सभापति विमलप्रसाद श्रीवास्तवको नेतृत्वमा सांसदहरु भीमसेनदास प्रधान, गोपालबहादुर बम, दूर्गाकुमारी विश्वकर्मा, प्रमोद साह र सूर्यनारायण यादव भ्रमण टोलीमा हुनुहुन्छ ।

त्यस्तै, संसद सचिवालयका उपसचिवद्वय शिवदत्त बराल र केशवराज सुवेदी पनि टोलीमा हुनुहुन्छ । त्यसैगरी राष्ट्रिय मानवअधिकार आयोगका सदस्य सुदिप पाठक र शाखा अधिकृत रविलाल नेपाली पनि सांसदहरुसँग हुनुहुन्छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

उमाकान्त पाण्डे

उज्यालाे सहकर्मी उमाकान्त पाण्डे युएईमा बसेर पत्रकारिता गर्नुहुन्छ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्