पत्रकार साहकाे हत्यामा संलग्न अभियुक्त १२ वर्षपछि पक्राउ

फागुन २५, २०७६ आइतबार १०:१७:२५ | जयनारायण यादव

बारा - पत्रकार वीरेन्द्र साहको हत्यामा संलग्न भएको भएको अभियोग लागेपछि फरार भएका कुन्दन फौजदार १२ वर्षपछि पक्राउ परेका छन् ।

फौजदारलाई बाराको बारागढी गाउँपालिका ६ गडहलबाट आइतबार बिहान पक्राउ गरिएको प्रहरीले जनाएको छ । उनलाई पक्राउ गर्ने क्रममा स्थानीय बासिन्दाले प्रहरी टोलीमाथि आक्रमणको प्रयास गरेपछि चार राउन्ड हवाई फायर गर्नुपरेको प्रहरी उपरीक्षक कृष्ण पङ्गेनीले जानकारी दिनुभयो ।

पत्रकार साहलाई तत्कालीन नेकपा माओवादीका लालबहादुर चौधरी, कुन्दन फौजदार, हरेराम पटेलसहितले २०६४ असोज १८ गते अपहरण गरी एक महिनापछि हत्या गरेको ठहर गर्दै २०७३ पुस २० गते सर्वोच्च अदालतले सजाय सुनाएको थियो ।

फौजदार पत्रकार साहको हत्यालगत्तै फरार भएका थिए । हत्यामा संलग्न लालबहादुर चौधरी र हरेराम पटेल भने अझै फरार छन् । पत्रकार साहको शव २०६४ कात्तिक २२ गते जङ्गलमा भेटिएको थियो ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्