मुख्यमन्त्री राउतलाई 'महामूर्ख' को उपाधि, फर्सीकाे टाेपी र घिराैलाकाे माला लगाइयाे

फागुन २६, २०७६ सोमबार १९:६:२७ | सुभाष कर्ण

धनुषा – प्रदेश नम्बर २ का मुख्यमन्त्री लालबाबु राउतलाई 'महामूर्ख' को उपाधिबाट सम्मानित गरिएको छ ।

फागु पर्व अर्थात् हाेलीकाे अवसरमा जनकपुरधामकाे मिथिला नाट्यकला परिषद् (मिनाप) द्वारा होली पर्वको पूर्व सन्ध्यामा आयोजित 'महामूर्ख' सम्मेलनमा मुख्यमन्त्री राउतलाई 'महामूर्ख' को हास्य उपाधिबाट सम्मानित गरिएको हो ।

मुख्यमन्त्री राउतलाई फर्सीको टोपी र घिरौला, कोबी लगायतका माला लगाइ 'महामूर्ख' सम्मानपत्रसहित सम्मानित गरिएको हाे । मुख्यमन्त्री साथै प्रदेश सांसद् मनिष सुमनलाई 'पटमूर्ख', परमेश्वर साहलाई 'भभकैवा', रामचन्द्र मण्डललाई 'सिलौटशङ्कर' र रामआशिष यादवलाई 'हराशङ्ख' को उपाधिबाट सम्मानित गरिएको हो ।

कार्यक्रमलाई सम्बोधन गर्दै मुख्यमन्त्री राउतले भन्नुभयो, 'यो क्षण हाम्रो लागस अविस्मरणीय रहनेछ । किनकि आजसम्म म कतै पनि महामूर्ख बने थिइनँ, यहाँ आएर महामूर्खको उपाधि पाएर गौरवान्ति भएको छु ।'

मुख्यमन्त्री राउतले होली पर्व सद्भावको पर्व भएकाले यसमा रमाइलो गर्न कुनै बन्देज नभएकाे तर सचेतना अपनाउन आवश्यक रहेकाे बताउनुभयाे ।

त्यसैगरी महामूर्ख सम्मेलनमा जनकपुरधाम उपमहानगरपालिकाकी उपमेयर रीता मिश्रलाई 'टुनमुसरी', साहित्यकार रोशन जनकपुरीलाई 'बैलघोगना', वृहत्तर जनकपुर क्षेत्र विकास परिषद्का निर्देशक बलराम ठाकुरलाई 'खेसारी लाल', र पिपरा गाउँपालिकाका अध्यक्ष विक्रम रौनियारलाई 'खाबसुरत' को उपाधि दिइएको छ ।

महामूर्ख सम्मेलनमा विशिष्ट व्यक्तिहरुलाई विभिन्न हास्य उपाधि दिएसँगै कविता वाचन र होलीको लोकगीत र होरैया गीतसमेत प्रदर्शन गरिएको थियो ।

गएका वर्षमा नेपाली काङ्ग्रेसका उपसभापति विमलेन्द्र निधि, राष्ट्रिय सभाका पूर्व सदस्य वृषेशचन्द्र लाल, जनकपुर उपमहानगरपालिकाका मेयर लालकिशोर साह लगायतका विशिष्ट व्यक्तिहरुले 'महामूर्ख' को उपाधि पाइसकेका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुभाष कर्ण

कर्ण उज्यालाेका धनुषा संवाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्