गाेरखाका ट्याक्सी व्यवसायीद्वारा मास्क वितरणसहित कोरोना सचेतना कार्यक्रम

फागुन २८, २०७६ बुधबार १४:४८:५८ | किरण लोहनी

गोरखा - गोरखाका ट्याक्सी व्यवसायीहरुले कारोना संक्रमणबारे सचेतना र मास्क (मुखावरण) वितरण सुरु गरेका छन् ।

व्यवसायीहरुको संस्था गोरखा मनकामना यातायात सेवा प्रालिले गोरखा सदरमुकाममा बुधवार सचेतनासँगै मास्क वितरण कार्यक्रम सुरु गरेको हो । कोरोना भाइरससँगै अन्य खालका सङ्क्रमण र प्रदूषणबाट जोगिन मास्क उपयोगी हुने भएकाले विशेषगरी यातायात व्यवसायी र मजदुर तथा यात्रुहरुलाई मास्क वितरण गर्न थालिएको प्रालिका सचिव सुमन श्रेष्ठले बताउनुभयो ।

पहिलो चरणमा २ हजार थान मास्क वितरणको लक्ष्य रहेको उहाँको भनाइ छ । बुधवार बसपार्कमा अयोजित कार्यक्रममा सहभागीहरुलाई पनि मास्क वितरण गरिएको थियो ।

कार्यक्रममा कोरोना संक्रमण, भ्रम र यथार्थबारे औषधी व्यवसायी संघका जिल्ला अध्यक्ष संगमबाबु श्रेष्ठले जानकारी गराउनुभएको थियो । गोरखा नगरपालिकाका प्रमुख राजनराज पन्तले कोरोनाबारे धेरै अफवाह फैलिरहेको भन्दै नागरिकलाई सही सूचना सम्प्रेषण गर्न सके पनि धेरै राहत पुग्ने बताउनुभयो ।

गोरखा मनकामना यातायात सेवा प्रालिका अध्यक्ष ताराबहादुर खड्काको अध्यक्षतामा भएको कार्यक्रममा प्रहरी प्रमुख एसपी ओमप्रसाद अधिकारी, पृथ्वी राजमार्ग बस सञ्चालक कम्पनी प्रालिका विपिनचन्द्र ढकाल, पत्रकार महासंघ गोरखाका उपाध्यक्ष दिपक श्रेष्ठ लगायतले मन्तव्य व्यक्त गर्नुभएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण लोहनी

उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्