‘मन बलियो बनाएर काम गर्दैछु कतारमा’

चैत २०, २०७६ बिहीबार १०:३५:४ | मेरो कथा मेरो भोगाई

मनी लामा, हाल कतार ।

पीडा कम गर्ने एक घुड्को औषधि पाउन पाए पनि हुन्थ्यो, तर बिडम्बना यो औषधि कुनै फार्मेसीमा पाईंदैन । देश छाडेर यतिबेला परदेशमा पसिना बगाउँदैछु । मनमा अनेक कुरा खेल्छन् । पीर लाग्छ ।

परदेशमा हामी कोरोनासँग लडिरहेका छौं । धेरैको रोजगारी गुम्दैछ । हामी परदेशीको कमाइ भएन भने हाम्रो मात्र हो र, देशको भविष्य के होला ? किनकी हाम्रो घरसँगै देश पनि त हामीले पठाएको रेमिट्यान्सले त चलेको छ ।

कतारमा पनि यतिबेला धेरै श्रमिकलाई सेल्फ क्वारेण्टीनमा राखिएको छ । कतिले त केही दिनदेखि काम पनि गरेका छैनन् भन्छन् ।

तर मेरो भने नियमित काम चलिरहेको छ । काममा जाँदा होस् या क्वारेण्टीनमा बस्दा कोरोनाको डर त सबैलाई छ नि यतिबेला । मलाई पनि सम्झँदा मनमा डर र पीर लागिरहन्छ ।

तर मलाई थाहा छ रोगको औषधि भनेको बलियो आत्मबल र प्रतिरोधात्मक क्षमता नै हो । त्यसैले मलाई मन कमजोर बनाएर शरीर पनि कमजोर बनाउन छैन ।

रोगसँग लड्ने प्रतिरोधात्मक क्षमता घट्न दिनु हुँदैन भन्ने सोच्छु, र मलाई केही हुँदैन भनेर मन बलियो बनाएर काम गर्दैछु ।

यो बेला परदेशमा हुनेहरु डराएर हुने केही छैन । कोरोनाको जोखिम देशका होस् या परदेशमा जताततै छ ।

त्यसैले जहाँ भए पनि आफ्नो प्रतिरोधात्मक क्षमता नघटाउन सबैलाई सुझाव दिन चाहन्छु । किनकी कोरोना सङ्क्रमित लाखौं मानिस निको पनि त भएका छन् । त्यसैले पनि मलाई त किन हो यो रोगसँग लड्न सक्छु भन्ने लाग्छ ।

जो क्वारेण्टीनमा बसिरहनुभएको छ उहाँहरुले पनि आफ्नो स्वास्थ्यमा ध्यान दिऔं र नियमित काम हुनेले पनि पीपीईमा ध्यान दिन सुझाव दिन चाहन्छु । अर्को कुरा त अहिले कतारले एकदमै कडा नियम लागू गरेको छ ।

त्यसैले पनि प्रतिबन्ध लगाएको ठाउँमा सूचना नपाएरै गइयो भने पनि कोरोना सङ्क्रमणको जोखिम सँगै कारबाहीमा पर्ने डर हुन्छ । सरकारले जारी गरेका नियम कानुन मानौं, सुरक्षित रहौं । अरु त भाग्यको खेल हो । आफ्नो आत्मालाई भरोसा गरौं ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्