रेमिट्यान्सको स्वाद मिठो मान्ने सरकारले हामीलाई पैसा कमाउने औजारको रुपमा नलियाेस्

 वैशाख १, २०७७ सोमबार १४:५४:३९ | मेरो कथा मेरो भोगाई

लेखनाथ सुवेदी,रुपन्देही / हाल पोर्चुगल ।

नेपालमा अहिले नयाँवर्षको उल्लास छाइरहेको होला । नयाँ वर्षको दिन साथीभाइ र घरपरिवारसँगै रमाएका पलहरु झल्झली दिमागमा आउँछन् । तर प्रवासमा रहने हामी नेपालीहरुको लागि आफ्नो घरदेश सम्झेर यादमा डुब्नुबाहेक अरु के नै हुन्छ र ।

म अहिले सात समुन्द्र पारि कोरोना संक्रमण फैलिरहेको एक सहरमा छु । प्रवासमा जतिसुकै सुरक्षित रुपले बसेको महसुस गरे पनि, जति हाँसेको देखिए पनि  वास्तविकता फरक नै हुदो रहेछ ।  

यो समयमा परदेशमा रहनुभएका साथीभाइहरुलाई एक्लो महसुस त हुन्छ होला । घरको न्यास्रोले सताउछ होला तर यस्तो बेला सबैजना आफ्ना नजिक रहेका साथीहरूको सम्पर्कमा रहनुहोला भन्न चाहन्छु ।

परदेशको साथी भनेकै आत्मविश्वास हो । त्यसैले आत्मबल र सकारात्मक सोचाइको विकास गर्नुहोला । हरेक समस्याबाट जुध्न मानसिक रूपमा तयार रहनुहोला । आत्मबल र आत्मविश्वास भन्ने चिज संसारको सबैभन्दा ठूलो औषधि हो भन्ने सन्देश पनि दिन चाहान्छु ।

अहिले विश्वभरी कोरोना भाइरसको महामारी फैलिरहेको छ । वैदेशिक रोजागारीको क्रममा लाखौं नेपाली दाजुभाइहरु परदेशमा छौं । हामीहरु सबै यस महामारीको चपेटामा परेका छौं ।

कतिपयको त रोजगारी पनि गुमिसकेको छ भने कतिपय डरै डरको स्थितिमा काम गर्न बाध्य छन् । विभिन्न देशमा कोरोना सङ्क्रमणले धेरै नेपालीहरुलाई पनि छोइसकेको छ । अहिले धेरै परदेशी नेपालीहरुको दुःख पीडा एउटै छ । कति नेपालीहरु स्वदेश फर्किन चाहेर पनि फर्किन नपाएको अवस्था छ ।

विश्वका धेरै देशहरुले परदेशमा रहेका आफ्ना नागरिकहरुलाई खोजीखोजी स्वदेश फर्काएका छन् । नेपालमा रहेका विदेशी नागरिकहरुलाई पनि ती देशको सरकारले जहाज चार्टड गरेर आफ्नो देश लगिसकेको छ । तर हामी परदेशमा रहेका नेपालीलाई हाम्रो देशले कहिले लिने हो थाहा छैन ।

यस्तो बेला नेपाल सरकारले परदेशमा रहेका आफ्ना नागरिकको बारेमा सोच्नुपर्ने हो । स्वदेश फर्किने बाटो बनाउनुपर्ने हो तर केही पनि गरेको छैन । हामीलाई पनि त समस्याको बेला घर फर्किने मन हुन्छ होला नि ।

घरपरिवारको माया कसलाई पो हुदैन र । घरपरिवार र जन्मभूमिको माया के हो भन्ने त महाकाली तरेर आफ्नो घर फर्किएकाहरु र सीमानामा बसेर भोकै हारगुहार गरिरहेका आवाजहरुले बताइ सकेको छ । यस्तो अवस्थामा पनि सरकारले आफ्ना नागरिकको खोजी नगर्नु  अत्यन्तै  दुःखको विषय हो । 

देशमा बाढी, पहिरो, महामारी, भुकम्प जस्ता विपत्ति आउँदा हेरेक पटक प्रवासी नेपालीहरुले लगाएको गुनलाई सरकारले बिर्सिनु हुदैन । घरको आर्थिक संकट टार्न अर्काको देशमा काम गर्ने र कोरोनाको कोसेली लिएर घर फर्किने रहर कसलाई हुन्छ होला र ? सरकारले यो कुरा बुझिदिनुपर्यो । 

जहाँ हुनुहुन्छ त्यही सुरक्षित भएर बस्नुस् भन्दैमा के आफ्ना नागरिकप्रतिको राज्यको दायित्व पुरा हुन्छ र ? बरु भनेजति क्वरेन्टीनमा बस्न तयार छौं । हामी आफ्नै खर्चमा देश फर्किन्छौं, हामीलाई हामीलाई देश फर्किने  वातावरण मात्र मिलाइयोस् ।

रेमिट्यान्सको स्वाद मिठो मान्ने सरकारले हामीलाई पैसा कमाउने औजारको रुपमा नलगोस् । सरकार प्रवासीहरुको सुख दुःखको असल सहयात्री पनि बनोस् । 

देश विदेशमा रहनुभएका सम्पुर्ण नेपाली दाजुभाइ, दिदीबहिनीहरुमा नयाँ वर्ष २०७७ सालको हार्दिक शुभकामना । 

 

याे पनि पढ्नुहाेस्

 

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • Khem raj poudel

    April 13, 2020, 4:13 p.m.

    एक जिम्मेवार नागरिककाे हैसियतले तपाईकाे देश प्रेमकाे भावनालाई उच्च सम्मान गर्नै पर्छ, तर विडम्बना नै भनुम नागरिकप्रति सरकारकाे जिम्मेवारी लक डाउन गरिएकाे छ जाे जहाँ हुनु हुन्छ सुरक्षित रहनु हाेला भन्ने शिवाय अरू प्रभावकारी कदम चालेकाे देखिएन, तपाईले भने जस्तै उच्च मनाेवलकासाथ बस्नु नै हामी सबैकाे एकमात्र विकल्प भएकाे छ । जय पशुपतिनाथ 🙏🙏🙏 हामी सबैकाे रक्षा गर !

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई