पाल्पाकाे तानसेन बजारमा 'कृषि एम्बुलेन्स'

वैशाख ८, २०७७ सोमबार ८:३३:८ | देव पचभैया

पाल्पा – पाल्पाको सदरमुकाम तानसेन बजारमा कृषि एम्बुलेन्स सुरु भएको छ । सस्तो भाउ र ताजा तरकारी घरघरमै उपलब्ध गराउन कृषि एम्बुलेन्सको सुरुवात भएको हो ।

तानसेन नगरपालिकाद्वारा गठित तानसेन युवा परिषद्ले मदनपोखरामा उत्पादित तरकारी बजारसम्म ल्याएर आइतबारदेखि बिक्री वितरण सुरु गरेको छ । मदनपोखराका किसानहरुको तरकारी मदनपोखरा सङ्गम बहुउद्देश्यीय सहकारीले सङ्कलन गरी तानसेन युवा परिषद् मार्फत बिक्री वितरण गरिएको हो ।

आइतबार तानसेन टुँडिखेल मैदानबाट २४ टन तरकारी बिक्री भएको जानकारी दिँदै युवा परिषद्का अध्यक्ष गुराँस आत्रेयले सोमबार बिहान ९ बजेदेखि ११ बजेसम्म घरघरमै पुर्‍याउने जानकारी दिनुभयो । किसानसँग खरिद गरिएकै मूल्यमा उपभोक्तालाई तरकारी प्रदान गरिएको अध्यक्ष आत्रेयले बताउनुभयो ।

एकै स्थानबाट तरकारी बिक्री गर्दा बढी भिडभाड हुने भएपछि सामाजिक दुरी कायम गरी सोमबारदेखि घरघरमै तरकारी पुर्‍याइने छ । तरकारी बिक्रीका लागि गाडीमा तेल र तरकारी प्याक गर्न नगरपालिकाको आर्थिक सहयोग छ । काउली प्रतिकेजी २०, बन्दा प्रतिकेजी १० र काँक्रो प्रतिकेजी ३५ रुपैयाँका दरले बिक्री गरिएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्