भाङ हालेको भोज खाँदा ३५ जना बिरामी

साउन १३, २०७५ आइतबार १८:३३:२३ | सिताराम अधिकारी

धादिङ – नवानको भोजमा भान्सेले खानामा भाङ मिसाएपछि गजुरी गाउँपालिका वडा नम्बर ४ गैरीगाँउँमा आइतबार ३५ जना स्थानीयबासिन्दा बिरामी परेका छन् ।

अनिल चेपाङको छोरीको न्वारनको भोज खाएपछि नातेदार गाउँवासीहरु बिरामी परेको बिजय चेपाङले बताउनुभएको छ । वाकवाक लाग्ने, रिंगटा लाग्ने, केही समयपछि बेहोस भएर नबोली बस्ने, तथा केही मानसहरु भने डर लागेको बताउने र रुने कराउने गरिरहेको बिजय चेपालङले जानकारी दिनुभयो ।

उनीहरु सबैलाई दही, घ्यूलगायतको खाने कुरा खुवाएर होसमा ल्याउने गरी प्राथमिक उपचार भइरहेको छ । गाउँमै निको नहुने अवस्था आएमा थप उपचारका लागि उपचारमा सघाउने टोली तयारी अवस्थामा रहेको गजुरी गाउँपालिका अध्यक्ष राजेन्द्र विक्रम बस्नेतले बताउनुभएको छ । गाउँसम्म पुग्न आदमघाटबाट ५ घण्टा लाग्छ । लगातार पानी परिरहेको र कच्ची सडकमा पहिरो समेत आएका कारण गाउँसम्म पुग्नका लागि कठिनाइ उत्पन्न भएको छ ।

खाना खाएका चेपाङ संघका सन्तमान चेपाङ, संगिता चेपाङ, विमला चेपाङलगायतका चेपाङ अगुवाहरु समेत बिरामी परेर सुतिरहेका छन् । भोजमा भात, आलु र कालो दाल, मासु र तरकारी पकाइएको छ । सुगनका रुपमा जाँड र रक्सी समेत राखिएको वीर सिंह चेपाङले बताउनुभयो । खाना खान बाँकी रहेका कम्तिमा ३५ जनालाई फेरि तरकारी पकाएर खुवाउने तयारी गरिएको वीरसिंहले जानकारी दिनुभयो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्