बारामा दाल कालोबजारी गरेको आरोपमा तीनवटा उद्योगका सञ्चालकसहित पाँच जना पक्राउ

वैशाख १४, २०७७ आइतबार २०:३१:६ | जयनारायण यादव

बारा - प्रहरीले दाल कालोबजारी गरेको आरोपमा तीनवटा उद्योगका सञ्चालक सहित पाँचजनालाई पक्राउ गरेको छ ।

प्रहरीले परवानीपुर गाउपालिका-४ मा रहेको नारायणी मोडर्न पल्सेस ईण्ड्स्टिजका सञ्चालक मोहनलाल अग्रवाल र प्रतिनिधि सुनिल शर्मा, छातापिप्रामा रहेको कृष्ण आधुनिक दाल उद्योगका सञ्चालक पवन कुमार साह र प्रतिनिधि सुरेश साह तथा लिपनीमालमा रहेको महाबीर ओभरसिज प्रालिका प्रतिनिधि सन्तोष झालाई पक्राउ गरी कारबाही अगाडि बढाएको प्रहरी नायब उपरीक्षक गौतम मिश्रले जानकारी गराउनु भयो ।

प्रतिकिलो ८० देखि ८५ रुपैयाँ पर्ने मुसुरोको दाल लकडाउनको मौका छोपी तीनवटै उद्योगले ९४ देखि ९८ रुपैयाँमा बिक्री गर्ने गरेको सूचनाको आधारमा उद्योगीसहितका प्रतिनिधिलाई पक्राउ गरिएको प्रहरी नायब उपरीक्षक मिश्रले जानकारी गराउनु भयो ।

यो पनि पढ्नुहोस्

अप्रिल २६ : खाडी र मलेसियामा कोरोना सङ्क्रमणकाे पछिल्लाे अवस्था

उनीहरुमाथि कालोबजारी तथा केही अन्य सामाजिक अपराध ऎन २०३२ अनुसार कारबाही अगाडि बढाइको प्रहरीले जनाएको छ । उनीहरुलाई आइतबार साँझ पाँच बजे पक्राउ गरिएका कारण आज समय नभ्याएकोले सोमबार जिल्ला प्रशासन कार्यालयबाट म्याद थप गराइ प्रहरीले जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्