गुल्मीमा भारतबाट आएका ६८ जना क्वरेन्टीनमा

वैशाख १८, २०७७ बिहीबार २०:५९:२६ | जनार्दन घिमिरे

गुल्मी - गुल्मीमा भारतबाट आएका ६८ जनालाई क्वरेन्टीनमा राखिएको छ ।

नेपाल फर्कदै गर्दा भारतको सुनौलीमा अलपत्र परेर २८ दिनसम्म उनीहरु क्वरेन्टीनमा बसेर नेपाल आएका हुन् । गाउँ फर्केपछि पनि फेरि क्वरेन्टीनमा बस्नु परेको भन्दै उनीहरुले आफूहरुको स्वाब परीक्षण गरेर घर जानका लागि माग गरेका छन् ।

नेपाल भारतको सिमाना सुनौली नाकामा २८ दिनसम्म क्वरेन्टीनमा बसेर घर फर्किएका उनीहरुले गाउँपालिका र स्थानीय प्रशासनसँग पटक-पटक क्वरेन्टीनमा बस्नु परेको गुनासो गर्दै यस्तो माग गरेका हुन् ।

क्वरेन्टीनको निरीक्षण तथा अनुगमनको क्रममा धुर्कोट गाउँपालिका पुगेको जिल्ला विपद व्यवस्थापन समितिका पदाधिकारीहरुसँग उनीहरुले आफूहरुलाई चाँडै घर फर्किनका लागि आग्रह गरेको प्रमुख जिल्ला अधिकरी भरत कुमार शर्माले बताउनु भयो ।

स्थानीय गाउँपालिकाको सहयोगमा सिमानाकाबाट जिल्ला फर्किएका उनीहरुले आफूहरु २८ दिनसम्म क्वरेन्टीनमा बसेर आइसकेको भन्दै फेरि क्वरेन्टीनमा बस्न असहमति जनाएका थिए ।

गाउँपालीका र स्थानीय प्रशासनले उनीहरुलाई केही समयका लागि क्वरेन्टीनमा बस्नुपर्ने बताएपछि उनीहरु बाध्य बनेर क्वरेन्टीनमामा बसेका हुन् । भारत सरकारले उनीहरुको आरडीटी परिक्षण गर्दा सबै जनाको रिपोर्ट नेगेटिभ आएपछि उनीहरु नेपाल फर्किएका हुन् ।

यो पनि पढ्नुहोस्

अप्रिल ३० : खाडी र मलेसियामा काेराेना सङ्क्रमितकाे सङ्ख्या ६० हजार नाघ्याे

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्