सङ्क्रमण देखिएपछि गुल्मीको मदाने गाउँपालिका सिल गरियो

जेठ ६, २०७७ मंगलबार ९:३५:५८ | जनार्दन घिमिरे

गुल्मी - गुल्मीमा पहिलो पटक ४१ वर्षीय एक पुरुषमा कोरोना सङ्क्रमण भएको पुष्टि भएपछि मदाने गाउँपालिका सिल गरिएको छ ।

सङ्क्रमण फैलिन नदिन र त्यसबाट मानिसहरुलाई थप सचेत गराउनका लागि जिल्ला संकट व्यवस्थापन केन्द्र गुल्मीको आग्रहमा मदाने गाउँपालिकाले अर्को सूचना जारी नगर्दासम्म पालिका सिल गर्ने निर्णय गरेको हो ।

मदाने गाउँपालिका ६ अन्र्तगत पुर्कोटदहमा अध्यापन गराउँदै आएका शिक्षकमा सोमबार कोरोना सङ्क्रमण भएको पुष्टि भएको थियो ।

कोरोनाको सङ्क्रमण देखिएपछि स्थानीय पालिकाले कोही पनि व्यक्तिलाई अत्यावश्यक काम बाहेक घरबाहिर ननिस्कन र हिँडडुल नगर्न सार्वजनिक रुपमा सूचनासमेत जारी गरेको मदाने गाउँपालिकाका प्रमुख प्रशासकीय अधिकृत सुरेश भण्डारीले बताउनु भयो ।

जिल्ला संकट व्यवस्थापन केन्द्र गुल्मीले सङ्क्रमित व्यक्तिको तत्कालै केस हिस्ट्र, ट्राभल हिस्ट्री र कन्ट्याक ट्रयाकिङ्ग गर्न गाउँपालिकालाई आग्रह गरेको छ ।
जिल्ला प्रशासन कार्यालय गुल्मीले सङ्क्रमित व्यक्तिसँग प्राथमिक उपचारमा संलग्न स्वास्थ्यकर्मी, उनको परिवार र उनीसँग सम्पर्कमा आएका सबै व्यक्तिहरुको आरडीटी र पीसीआर टेष्ट गर्नका आवश्यक प्रकृया सुरु गर्नका लागि स्वास्थ्यकर्मीहरु सहितको टोली मंगलबारनै सङ्क्रमित क्षेत्रमा पठाउने तयारी गरेको गुल्मीका प्रमुख जिल्ला अधिकारी भरतकुमार शर्माले जानकारी दिनु भएको छ ।

मदानेमा कोरोना सङ्क्रमित भएको खबरसँगै गुल्मीवासीहरु थप सशंकित बनेका छन् । मदाने गाउँपालिकाको पुर्कोटदह यतिबेला सुनसान जस्तै बनेको छ । त्रासका कारण कोही पनि मानिसहरु घरबाहिर निस्केका छैनन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्