कर्णाली प्रदेशकाे नीति तथा कार्यक्रम : पानीमा लगानीदेखि ट्रमा सेन्टर स्थापनासम्म

जेठ १७, २०७७ शनिबार १७:४०:८ | मनिराज पाण्डे

कालीकोट – कर्णाली प्रदेश सभामा कर्णाली प्रदेश प्रमुख गोविन्दप्रसाद कलौनीले आर्थिक वर्ष २०७७/०७८ नीति तथा कार्यक्रम प्रस्तुत गर्नुभएको छन् । प्रस्तुत प्रतिवेदनमा रोजगारीदेखि पानीमा लगानीसम्मका कार्यक्रम रहेका छन् ।

कर्णाली प्रदेश सरकारले कोरोनाविरुद्ध ठूलो जनशक्ति परिचालन गरेको प्रमुख कलौनीले बताउनुभएको छ । ‘प्रदेश सरकारले राहत, क्वरेण्टीन, स्वास्थ्य जाँच व्यापक बनाएको छ,’ उहाँले भन्नुभयो, ‘सङ्कटको घडीमा सबैले साथ दिएका छन् ।’

आठबीसकोट नगरपालिकाको राकममा ट्रमा सेन्टर स्थापना गरिने बताएका छन् । कर्णाली राजमार्ग र मध्यपहाडी राजमार्गमा हुने दुर्घटनालाई लक्षित गर्दै राकममा ट्रमा सेन्टर स्थापना गर्न लागिएको कलौनीले बताउनुभएको हो । नीति तथा कार्यक्रममा कर्णाली प्रदेशका सबै पालिकामा १५ शय्याको अस्पताल निर्माण गरिने जनाइएको छ । त्यस्तै सबै जिल्ला अस्पतालमा कम्तीमा एक सय शय्या आइसोलेशन, पाँच शय्याको आईसीयू र एक भेन्टिलेटरको व्यवस्था गरिने उल्लेख गरिएको छ ।

विकास निर्माणका कामलाई अगाडि बढाउनको लागि ठूला पूर्वाधार विकासका लागि परियोजना बैंक बनाइने प्रदेश प्रमुख कलौनीले बताउनुभयो । आर्थिक वृद्धि गर्नको लागि निजी क्षेत्र, सहकारी क्षेत्रसँग सहकार्य गरेर रोजगारी वृद्धि गर्ने लक्ष्य राखेको प्रदेश प्रमुख कलौनीले जानकारी दिनुभयो । युवालाई उद्यम र रोजगारी दिनको लागि मुख्यमन्त्री युवा उद्यमी कार्यक्रम सञ्चालनमा ल्याउने नीति तथा कार्यक्रममा समेटिएको छ । आन्दोलनमा घाइते योद्धा, शहिद परिवारलाई लक्षित गरेर रोजगारीमूलक कार्यक्रम सञ्चालन गरिने जनाइएको छ ।

वैकल्पिक ऊर्जा प्रवर्द्धनको लागि विषेश कार्यक्रम ल्याउने जनाइएको छ । जगदुल्ला र भेरी बबईको जलविद्युतमा प्रदेश सरकारले लगानी गर्ने नीति तथा कार्यक्रम समेटिएको छ ।

सडक निर्माणको गुरुयोजना निर्माण गरिने जनाइएको छ । सुर्खेतदेखि हुम्लाको हिल्सासम्मको सडक निर्माणका लागि सङ्घीय सरकारसँग सहकार्य गर्ने नीति तथा कार्यक्रममा समेटिएको छ ।

आवश्यक रहेको ठाउँमा झोलुङ्गे पुल निर्माण गरिने जनाइएको छ । कर्णाली प्रदेशका प्रमुख शहरमा विद्युतीय सवारी साधन सञ्चालनमा ल्याउने प्रदेश सरकारको नीति तथा कार्यक्रममा समेटिएको छ ।

एक जिल्ला एक पर्यकीय क्षेत्रको विकास गरिने र त्यसको लागि नीति तथा कार्यक्रम सञ्चालन गरिने जनाएको छ । प्रदेशका सबै जिल्लाका विमानस्थल सञ्चालन गरिने प्रदेश सरकारको नीति तथा कार्यक्रममा समेटिएको छ ।

खेलाडी उत्पादन, खेलकुदको विकासका लागि सामुदायिक विद्यालयमा खेलकुद फिल्ड निर्माण र पूर्वाधार विकास गरिने बताइएको छ ।

प्रदेश प्रहरीदेखि कारागारलाई सुधार गृह बनाउनको लागि खुला कारागारको अवधारणा अगाडि बढाइने प्रदेश सरकारको नीति तथा कार्यक्रममा समेटिएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्