दार्चुलामा भीरबाट लडेर वडा सचिवको ज्यान गयो
चैत १६, २०८० शुक्रबार
कैलाली - सुदूरपश्चिममा काेराेना सङ्क्रमितको सङख्या ७८ पुगेको छ । मंगलबारसम्म ७३ जना सङ्क्रमित रहेकोमा आज थप ५ जनामा कोरोना पुष्टि भएको हो ।
धनगढीको कोरोना परीक्षण प्रयोगशालामा थप पाँच जनामा कोरोना पुष्टि भएको हो । धनगढीमा गरिएको परीक्षणमा कैलालीका तीन र डोटीका २ जनामा कोरोना सङ्क्रमणकाे पुष्टि भएको सेती प्रादेशिक अस्पतालका सूचना अधिकारी दिलिपकुमार श्रेष्ठले बताउनु भयाे ।
धनगढी उप-महानगरपालिका वडा नम्बर ५ का ५१ वर्षीय पुरुष, गौरीगंगा नगरपालिकाका २० र २५ वर्षीय पुरुषमा कोरोना पुष्टि भएको हो । यस्तै डोटीका पूर्वीचौकी ४ का २३ वर्षीय र पूर्वीचौकी ७ का २५ वर्षीय पुरुषमा कोरोना पुष्टि भएको हो ।
सुदूरपश्चिमका ७८ जना सङ्क्रमितमध्ये ७६ जना प्रदेशभित्रै रहेका छन् भने एक जना बझाङ र एक जना बाजुराका सङ्क्रमितको भने कर्णाली प्रदेशमा उपचार भइरहेको छ । एक जना सङ्क्रमितको मृत्यु भइसकेको छ भने ८ जना डिस्चार्ज भइसकेका छन् ।
७ जना प्रदेशभित्रबाटै डिस्चार्ज भएका हुन् भने एक जना प्रदेश बाहिर डिस्चार्ज भएका हुन् ।
सबैभन्दा बढी कैलालीका ३५ जना, अछामका १३, कञ्चनपुरमा १०, बैतडीका ६, डोटीका ७, बाजुराका तीन, डडेल्धुरा, बझाङ र दार्चुलाका एक/एक जनामा कोरोना पुष्टि भएको छ ।
अहिलेसम्म धनगढीको प्रयोगशालाबाट ६१, सुर्खेतको प्रयोगशालाबाट १२, र राष्ट्रिय जनस्वास्थ्य प्रयोगशालाबाट ५ जनामा कोरोना पुष्टि भएको छ ।
सीताराम ओझा कैलालीका उज्यालाे सहकर्मी हुनुहुन्छ ।