कालीकाेट टिप्पर दुर्घटना : ज्यान गुमाउने तीन जनाकै परिचय खुल्याे

जेठ २९, २०७७ बिहीबार १०:१९:३४ | मनिराज पाण्डे

कालीकाेट - कालीकाेटमा भएकाे टिप्पर दुर्घटनामा ज्यान गुमाउने तीन जनाकै परिचय खुलेकाे छ ।

घटनास्थलमै मुत्यु हुनेमा रास्कोट २ की २३ वर्षीया शर्मिला सार्की र २१ वर्षीया थुम्की सार्की रहेका छन् भने रास्कोट नगरपालिका-२ की २० वर्षीया निस्पता सार्कीको काठमाण्डौकाे किष्ट अस्पतालमा उपचारका क्रममा मृत्यु भएको प्रहरीले जनाएकाे छ ।

नरहरिनाथ-१, कर्णाली नदीको तिरमा पर्ने लालीघाटमा बुधबार बिहान भएकाे टिप्पर दुर्घटनामा टिप्परमा रहेका ३९ जनामध्ये दुई जनाको घटनास्थलमै र एक जनाको उपचारको क्रममा मृत्यु भएको थियाे ।

टिप्पर दुर्घटनामा घाइते भएका ८ जनामध्ये २ जनाको अवस्था गम्भीर भएकाले थप उपचारका लागि काठमाण्डाै लगिएकोमा निस्पता सार्कीको मृत्यु भएको र अर्का घाइते २८ वर्षीय मिन सार्कीको उपचार भइरहेको छ ।

अन्य घाइतेहरु ३५ वर्षका प्रजे सार्की, ३५ वर्षीया अनिता सार्की, १८ वर्षीय विवेक सार्की, १४ वर्षका अशोक परियार, १८ वर्षका गोविन्द सार्की र ३ महिने एक शिशुकाे जिल्ला अस्पताल कालिकोटमा उपचार भइरहेको छ । टिप्पर कर्णाली करिडोर सडकबाट झण्डै ३० मिटर तल नदीमा खसेको थियाे ।

दुर्घटनामा रास्कोट-२ कै ३१ वर्षीया मन्ना कुमाल र २ वर्षीया बालिका काली सार्की बेपत्ता छन् । घर फर्केका १३ महिला र २६ पुरुषलाई क्वरेन्टीनमा राख्न रास्कोट नगरपालिकाको ना ८ ख ५१३३ नम्बरको टिप्परमा लैजाने क्रममा टिपर कर्णाली नदीमा खसेर दुर्घटना भएको थियाे ।

चालकले स्टार्ट बन्द नगरी हिँडेपछि दुर्घटना : प्रहरी

क्वरेन्टीनमा राख्न टिप्परमा राखेर लैजाने क्रममा ठाउँ साँघुरो भएकाे विषयमा टिप्पर चालक र स्थानीय बीच विवाद भएको थियो । विवाद हुँदा टिपर चालकले स्टार्ट बन्द नगरी ओर्लेर हिँडेपछि टिप्पर कर्णाली नदीमा खसेको प्रहरीले जनाएको छ । दुर्घटनामा चालकको लापर्वाही देखिएको डीएसपी श्यामबाबु ओलियाले बताउनुभयाे ।

टिप्पर छाडेर भागेका रास्कोट-८ का चालक रंगनाथ धमलालाई प्रहरीले सान्नीगाडबाट पक्राउ गरेको छ । दुर्घटनाको यकिन कारण नखुले पनि चालकलाई यात्रुले ठाउँ साँघुरो भयो भनेर हातपात गरेपछि चालकले टिप्पर छाडिदिएको हुनसक्ने नगरप्रमुख काशीचन्द्र बरालले बताउनु भयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मनिराज पाण्डे

कालिकोटका पत्रकार मनिराज पाण्डे उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्