सुदूरपश्चिममा एकैदिन भेटिए अहिलेसम्मकै धेरै सङ्क्रमित, २७२ जना थपिए

असार १०, २०७७ बुधबार १९:३०:३७ | सीताराम ओझा

कैलाली – सुदूरपश्चिम प्रदेशमा बुधबार एकैदिन दुई सय ७२ जनामा कोरोना सङ्क्रमण पुष्टि भएको छ ।

राष्ट्रिय जनस्वास्थ्य प्रयोगशाला, वीर अस्पतालको प्रयोगशाला र धनगढी प्रयोगशालामा भएको परीक्षणमा प्रदेशमा पछिल्लो २४ घण्टामा अहिलेसम्मकै धेरै सङ्क्रमित फेला परेका हुन् ।

राष्ट्रिय जनस्वास्थ्य प्रयोगशालामा भएको परीक्षणमा कञ्चनपुरमा १६ महिला र ६९ पुरुषसहित ८५ जना, कैलालीमा नाै महिला र ३९ पुरुषसहित ४८ जना, डोटीमा १० महिला र ३८ पुरुष गरी ४८ जना, अछाममा १० पुरुष, बाजुरामा सात पुरुष र बैतडीका एक महिला र तीन पुरुषमा सङ्क्रमण पुष्टि भएको स्वास्थ्य मन्त्रालयका प्रवक्ता डाक्टर जागेश्वर गौतमले बताउनुभयो ।

उहाँका अनुसार अछामका एक महिला र १३ पुरुष गरी थप १४ जनामा वीर अस्पतालको प्रयोगशालामा भएको परीक्षणमा कोरोना पुष्टि भएको छ । धनगढी प्रयोगशालामा भएको परीक्षणमा थप ५७ जनामा कोरोना पुष्टि भएको छ । सेती प्रादेशिक अस्पतालका सूचना अधिकारी दिलीपकुमार श्रेष्ठका अनुसार लम्कीचुहा नगरपालिकाका ६ महिला र १९ पुरुषसहित २५, गोदावरी नगरपालिकाका चार महिला र २८ पुरुषसहित ३२ जनामा कोरोना पुष्टि भएको छ । योसँगै सुदूरपश्चिममा सङ्क्रमितको सङ्ख्या एक हजार पाँच सय ४९ पुगेको छ ।

अहिलेसम्म सबैभन्दा बढी कैलालीका पाँच सय आठ, डडेल्धुराका दुई सय पाँच, बैतडीका एक सय ६०, डोटीका दुई सय नौ, कञ्चनपुरका एक सय ९४, अछामका एक सय १२, बाजुराका एक सय, बझाङका ४४ र दार्चुलाका १२ जनामा कोरोना पुष्टि भएको छ । पुष्टि भएकामध्ये अहिलेसम्म पाँच जनाको मृत्यु भइसकेको छ भने एक सय ७५ जना निको भएर घर फर्किएका छन् ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्