कतारमा कोरोनासँग लडिरहेका सन्तोष भन्नुहुन्छ : ज्यान कमजोर भए पनि मन बलियो बनाऔँ

 असार २१, २०७७ आइतबार १७:५:५७ | मेरो कथा मेरो भोगाई

मेरो नाम सन्तोष बुढाथोकी हो । घर सुनसरी । तर अहिले रोजगारीको सिलसिलामा कतारको दोहामा छु ।

काम खोज्दै कतार आइयो । यहाँको एक सरकारी अस्पतालमा बिरामीको हेरचाह गर्ने काम गर्छु । यो कोरोना नआउँदासम्म सबै राम्रो थियो । तर संसारभर फैलिएको कोरोनाले कतार पनि निकै प्रभावित भएको छ । म पनि यसबाट प्रभावित भएको छु । केही दिनबाट कोरोनासँग संघर्ष गर्दैछु । मलाई थाहा छ म जित्छु । मेरो यही आत्मबलकै कारण अहिले स्वास्थ्य अवस्था सुधार हुँदै गएको छ । अलि सञ्चो महशुस गर्न थालेको छु ।

​तर यो बिरानो परदेशमा म एक्लै छु । सञ्चै हुँदा त घर परिवार सम्झेर खल्लो लाग्ने यो खाडीमा बिरामी पर्दा एक्लो महसुस हुँदो रहेछ । नरमाइलो लाग्छ बेलाबेलामा । भक्कानो फुट्छ । तर मानिस भएपछि जिन्दगीमा परिआउने हरेक अप्ठेरासँग लड्न र भिड्न सिक्नुपर्दोरहेछ ।

जीवनमा सिकाइ र भोगाइको क्रममा समयले धेरै कुराहरुको ज्ञान र अनुभव दिंदो रहेछ । अहिले यो महामारीको बेलामा कोरोनाबाट सङ्क्रमित हुँदा पनि धेरै कुराहरु सिक्ने मौका पाएको छु । आफूलाई बुझ्न पाएको छु ।

सुरु सुरुमा त खुब डर लाग्यो । के के होला जस्तो पनि भएको थियो । तर अहिले त मेरो स्वास्थ्य अवस्था पनि सुधार हुँदै गएपछि मनको डर र त्रास पनि कम हुँदै गएको छ । अब त आँट आएको छ । आफूले चाहेर र जानीजानी लाग्ने कुरो होइन कोरोना । कसैले पनि कोरोनासँग लड्न परोस् भनेर सोच्दैनन् ।

तर अहिले कोरोना थाहै नभइ धेरैलाई सङ्क्रमण भइसकेको हुन्छ । सकेसम्म लाग्न नदिनु नै उत्तम हो । सुरक्षाका उपाय अपनाऔं । तर लागिहाल्यो भने पनि नआत्तिऔं । उच्च मनोबल र आत्मविश्वास बलियो बनाऔं । ज्यान कमजोर भए पनि मन बलियो बनाउनु पर्छ ।

म कोरोनासँग लडिरहेको छु । थाहा छ अब केही दिनमा म निको हुन्छु । तर अहिले विदेशमा रहेका नेपालीलाई सरकारले गरेको व्यवहार र टिकट दरले भने मन दुखेको छ। यस्तै अवस्था भयो भने म कसरी घर फर्कन सक्छु होला भनेर चिन्ता लागेको छ ।

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

  • शंकर शर्मा (न प )

    July 5, 2020, 5:22 p.m.

    बिदेशी भुमिमा हुदा त्यहाँ को स्वास्थ्य सेवा र सुबिधा देखेरै रोग लागे पनि ५०% त आफै ठिक हुन्छ। हाम्रो देशमा मा कहिले होला त्यो सेवा सुबिधा पाउने बिरामि हुदा।

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई