एनसेलले सुरु गर्‍याे वायर फ्री प्लस वाइफाइको प्री–बुकिङ

असार २७, २०७७ शनिबार ७:३२:२० | उज्यालो सहकर्मी

काठमाण्डौ – एनसेलले वायर फ्री प्लस वाइफाइको प्री–बुकिङ् सुरु गरेको छ । एनसेलका उपभोक्ताहरुले अब चाँडै नै आकर्षक बन्डल सेवा सहित बिना कुनै झन्झट गुणस्तरीय वायरलेस इन्टरनेट र वाइफाइ कनेक्टिभिटीको अनुभव गर्न सक्ने एनसेलले जनाएको छ ।

एनसेल प्राइभेट लिमिटेडले आफ्नो नयाँ थिम ‘प्लस’अन्तर्गत वायरफ्री प्लस वाइफाइ सेवाको लागि बुकिङ सुरु गरेको हो ।

एनसेलले नेपालमा पहिलो पटक नवीन प्रविधिमा आधारित घरेलु तथा व्यवसायिक दुवै प्रयोजनका लागि उपयुक्त हुने गुणस्तरीय र भरपर्दो वायरफ्री प्लस वाइफाइ सेवा ल्याउन लागेको छ । यो सेवा लिनको लागि इच्छुक ग्राहकले प्रभु पे, प्रभु कियोस्क तथा नजिकैको प्रभु रेमिटको काउन्टरमा गई बुकिङ गर्न सकिने एनसेलले जनाएको छ ।

एनसेलका अनुसार वायरफ्री प्लस वाइफाइ सेवाको प्रमुख विषेशता भनेको विभिन्न सेवाहरुको आकर्षक बन्डलिङ हो । बन्डलिङ सेवा अन्तर्गत ग्राहकले २ वटा सिमकार्ड, प्रत्येक सिममा ५ जीबी डाटा, एनसेल नेटवर्क भित्र हरेक महिना ४२५ मिनेट टक टाइम र मोबिप्लेक्स, हङ्गामा म्युजिक, दामी म्युजिक लगायतका डिजिटल कन्टेन्टहरुको फाइदा लिन सक्नेछन् ।

कम्पनीले गोल्ड, प्लाटिनम र डायमण्ड गरी तीन वटा समुहमा वायरलेस वाइफाइ डिभाइस, सिम कार्ड र ठूलो डाटा भोलुमसँगको बन्डलिङ सहित प्रि बुकिङ् लिदैछ । ग्राहकले आफ्नो आवश्यकता अनुसार कुनै पनि समुह अन्तर्गत ३० दिन, ९० दिन, २१० दिन वा ४२० दिनको प्याकेजहरु लिन सक्नेछन् । प्याकेजको शुल्क ३० दिनका लागि मान्य हुने गरी करबाहेक ७९९ रुपैयाँ बाट सुरु हुन्छ ।

प्याकेजको समयसीमा अनुसार ग्राहकले एक पटक मात्र तिर्नपर्ने ग्राहक शुल्क ५००, २,५०० वा ३,५०० रुपैयाँ तिर्नु पर्दछ । ४२० दिनको समयसीमा रहेको प्याकेजको हकमा ग्राहकले यो शुल्क छुट गरिएको छ । ग्राहकले लिने प्याकेज अनुसार यी प्याकेजहरु अन्तर्गत पाइने सेवाहरु हरेक ३० दिनको अन्तरमा प्राप्त हुनेछन् । ३० दिनको समयावधि भित्र प्रयोग गरि नसकेको वा बाँकी सेवाहरु अर्को नयाँ ३० दिनमा थप हुने अर्थात जोडिने छैन ।

यस वायरफ्री प्लस वाइफाइले ग्राहकलाई वायरलेस डाटा कनेक्टिभिटीको नयाँ अनुभव गराउने एनसेलका चीफ कर्मसियल अफिसर प्रदीप श्रीवास्तव बताउनुहुन्छ ।

‘हामीलाई विश्वास छ यो सेवाले धेरै भन्दा धेरै मानिसलाई इन्टरनेटमा पहुँच प्रदान गरी उनीहरुलाई कनेक्टिभिटीले ल्याउने अवसरहरुसँग जोड्ने छ’, उहाँले भन्नुभयो ।

सुरुको चरणमा सुदूरपश्चिमको कञ्चनपुर, बैतडी, डडेल्धुरादेखि पूर्वको मोरङ, सुनसरी र धनकुटा सम्म देशका विभिन्न ४० भन्दा बढी जिल्लामा यो सेवा उपलब्ध हुनेछ । विशेष योजना अन्तर्गत यो प्रि– बुकिङ सीमित अवधिको लागि मात्र ल्याइएको हो ।

यस्तै एनसेलले आफ्नो नयाँ थिम ‘प्लस’ अन्तर्गत नै रही आफ्ना फोरजी ग्राहकका लागि आकर्षक ‘ननस्टप युट्युब’ अफर ल्याइसकेको छ । ‘प्लस’ थिमले नयाँ र विशेष सेवाहरुको साथ ग्राहकलाई हरेक पल जहाँ भए पनि सेवामा पहुँच सुनिश्चित गराउने उदेश्य लिएको एनसेलले जनाएको छ ।

व्यावसायिक उडान सञ्चालन भए एनसेलले श्रावणको तेस्रो हप्तादेखि यो सेवा सुरु गर्नेछ । यो सेवा सम्बन्धि थप जानकारीको लागि एनसेलका ग्राहकले आफ्नो कल सेन्टर नम्बर ९००८ मा डायल गरी जानकारी लिन सक्नेछन् भने अन्य इच्छुक ग्राहकले ९८०९००८००० मा डायल गरी आवश्यक जानकारी लिन सक्नेछन् ।

यस्तै एनसेलको वायर फ्री प्लस वाइफाइ पेज https://www.ncell.axiata.com/wirefreeplus मा गइ विस्तृत जानकारी लिनुका साथै बुकिङ् गर्न सकिने एनसेलले जनाएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

Jayanand mishra
July 15, 2020, 11:26 a.m.
Good job,, I also need
1 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
Gyaneswor Khan tharu
July 11, 2020, 3:25 p.m.
एनसेलले योजना ल्याएकोमा धेरै खुशी लागेको छ , तर हाम्रो गाउँ सम्म यो सुबिधा पुर्याउनुपर्यो एनसेलले /मेरो ठेगाना जीतपुर सिमरा उपमहानगरपालिका वार्ड नं १९ सानो मतिअरिया हो /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

एनसेलले सुरु गर्‍याे वायर फ्री प्लस वाइफाइको प्री–बुकिङ

2 Comments

Jayanand mishra

Karna Shrestha

तपाईको प्रतिक्रिया

Gyaneswor Khan tharu

तपाईको प्रतिक्रिया

तपाईको प्रतिक्रिया