पहिरोका कारण मध्यपहाडी लोकमार्गको पर्वत खण्ड अवरुद्ध

 असार २८, २०७७ आइतबार १२:३२:५० | सन्तोष थापा
unn.prixa.net

पर्वत – अविरल वर्षाका कारण पहिरो जाँदा मध्यपहाडी लोकमार्गको पर्वत खण्ड अवरुद्ध भएको छ ।

पर्वतको कुश्मा नगरपालिका–८ चुवाको भीरमा पहिरो जाँदा आइतबार बिहानैदेखि सडक अवरुद्ध भएको हो ।

सडक अवरुद्ध हुँदा पोखरा हुँदै पर्वतको लागि छुटेका गाडी दोबिल्लामा रोकिएका छन् भने पर्वत, बागलुङ, म्याग्दी र मुस्ताङबाट पोखरातर्फ गुडेका गाडी चुवा र कुश्मामा रोकिएका छन् ।

पहिरो हटाउनका लागि प्रयास भइरहे पनि घण्टौं समय लाग्ने जिल्ला प्रहरी कार्यालय पर्वतका प्रहरी निरीक्षक मनिष श्रेष्ठले बताउनुभयो । अहिले एकतर्फी रुपमा सडक सञ्चालन गर्ने प्रयास भैरहेको उहाँले बताउनुभयो ।

अन्तिम अपडेट: असार २९, २०७७

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ । 

तपाईको प्रतिक्रिया