पानीकाे मुहानकाे लागि भवन बनाउने विषयमा झडप : चार अभियुक्त पक्राउ, वडाध्यक्ष फरार

असार २८, २०७७ आइतबार १३:२७:६ | राजु लामिछाने

रुकुम पश्चिम – पानीको मुहानको विषयमा विवाद उत्पन्न भएपछि दुई गाउँलेबीच भएको झडपको घटनामा फरार चार जनालाई प्रहरीले पक्राउ गरेको छ ।

प्रहरीले रुकुम पश्चिमको आठबीसकोट नगरपालिका ३ का २४ वर्षीय जीवन बिक, ३५ वर्षीय बिर्ख ऐरी, २४ वर्षीय शशिराम बुढा र ३५ वर्षीय सुरेश विकलाई पक्राउ गरेको जनाएको छ ।

उनीहरुलाई गाउँबाटै पक्राउ गरिएको जिल्ला प्रहरी कार्यालय रुकुम पश्चिमका प्रमुख तथा प्रहरी नायब उपरीक्षक (डीएसपी) ठगबहादुर केसीले जानकारी दिनुभयो । उनीहरुलाई ज्यान मार्ने उद्योगअन्तर्गत कसुर मुद्दा दर्ता भइ अनुसन्धान अगाडि बढाइएको डिएसपी केसीले बताउनुभयो ।

‘घटनाका मुख्य आरोपी चार जनालाई पक्राउ गरेका छौँ’, डीएसपी केसीले उज्यालोसँग भन्नुभयो, ‘घटनामा संलग्न वडाध्यक्ष केशरमान विकसहित अन्य फरार व्यक्तिहरुको खोजी कार्य भइरहेको छ, छिट्टै पक्राउ गर्छाैँ ।’

उहाँका अनुसार पक्राउ परेकाहरुको बयान, पीडितहरुको उजुरीको आधारमा घटनामा संलग्नहरुको खोजी कार्य भइरहेको छ ।

गएको वैशाख २७ गते आठबीसकोट नगरपालिका ३ को खदीमा त्यही वडाका तलिगाउँ र माथीगाउँका मानिसबीच झडप भएको थियो । पानीको मुहानको लागि भवन निर्माणको विषयमा भएको विवादमा त्यही वडाका वडाध्यक्ष केशरमान विकसमेतको समूहले तलिगाउँ टोलका स्थानीयलाई आक्रमण गरेपछि सुत्केरी महिलासहित आठ जना घाइते भएका थिए ।

त्यो घटनामा घाइतेमध्ये तीन जनाको अवस्था गम्भीर भएको थियो भने घटनाका आरोेपीहरु फरार भएका थिए ।

घटनामा ४६ वर्षीय गोपाल बोहरा, २८ वर्षीय गणेश बोहरा र २९ वर्षीय मदन भण्डारी गम्भीर घाइते भएका थिए । घाइते गोपाल पालिकाको निर्वाचनमा नेपाली कांग्रेसको तर्फबाट वडाध्यक्ष पदको उम्मेदवार भइ पराजित भएका थिए ।

घटनामा २८ वर्षीया सुत्केरी दिलकुमारी यरी थापा, ६१ वर्षीय अनन्त बुढा, ६० वर्षीय अमृत बोहरा र ४६ वर्षीय मोहन बोहरा घाइते भएका थिए । यी घाइतेहरु वडाको तलिगाउँका हुन् भने अर्का घाइते शशिराम बुढा माथिगाउँ टोलका हुन् । वडाध्यक्ष विकको समूहले घरेलु हातहतियारसहित ढुङ्गामुढा प्रहार गरेपछि स्थिति अनियन्त्रित भएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्