पहिरोले उजाडियो लमजुङको पल्लोटारी !

साउन ८, २०७७ बिहीबार २१:४:४ | श्यामशितल परियार

लमजुङ – मर्स्याङ्दी गाउँपालिका ३ काे पल्लोटारीमा खसेको पहिरोमा थप दुई घर पुरिएको छ । बुधबार राति खसेको पहिरोमा स्थानीय शम्शेरबहादुर मजाकोटी र कुलबहादुर मजाकोटी (सुनिल) को घर पुरिएको हो ।

बुधबार बिहान १० बजेतिर पहिरो खस्दा पल्लोटारीकै १९ घर पहिरोमा पुरिएका थिए । पल्लोटारीमा खसेको पहिरोमा अहिलेसम्म २१ घर पुरिएको मर्स्याङ्दी गाउँपालिकाका उपाध्यक्ष होमबहादुर विकले जानकारी दिनुभयो ।

‘२१ घर पहिरोले पुरिएको छ । ३१ घर पहिरोको उच्च जोखिममा रहेका छन्’, उहाँले भन्नुभयो, ‘जोखिममा रहेका घरका सदस्यलाई सुरक्षित स्थानमा अस्थायी बसोबासको व्यवस्था मिलाइएको छ ।’

जनप्रतिनिधि, स्थानीय, स्थानीय क्लब, आमा समूहको सक्रियतामा अहिले पहिरोका उच्च जोखिममा रहेका घरबाट अन्नपात, लत्ताकपडालगायत घरायसी सामान निकाल्ने कार्य भइरहेको गाउँपालिकाका उपाध्यक्ष उहाँले बताउनुभयो ।

पहिरोकाे जोखिममा रहेका ८० घरधुरीका तीन सय २० जनालाई नरदेवी सामुदायिक भवन तरापु, धनेश्वर प्रावि, धनेश्वर सामुदायिक भवनका साथै तरापुरका छिमेकीका घरमा अस्थायी बसोबासको व्यवस्था मिलाइएको छ ।

सरोकारवाला पक्षसँगको समन्वय र सहकार्यमा गाउँपालिकाले सुरक्षित स्थानमा स्थानान्तरण गरिएकाहरुलाई लत्ताकपडा र खानपिनको व्यवस्था गरेको छ ।

पहिराे जानुभन्दा अघिकाे पृष्ठभूमि

पल्लोटारीमा अहिले पनि लेदोसहितको पहिरो खसिरहेकाले जोखिम कायमै छ । ‘अहिले पनि गाउँमा माथिबाट लेदोसहितको पहिरो खसिरहेको छ । पहिरोमा धेरै घर पुरिए । बाँकी घर पनि पुरिन सक्ने देखिन्छ’, उपाध्यक्ष होमबहादुर विकले भन्नुभयो, ‘पहिरोले पल्लोटारी उजाड बनाएको छ ।’

पल्लोटारी पहिरोमा परेर घाइते भएका आठ जनामध्ये सात जना उपचारपछि फिर्ता भएको र एक जना घाइतेको उपचार भइरहेको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्