सिन्धुपाल्चोकको लिदी पहिरोमा परेर ज्यान गुमाएकाका परिवारले १ लाख रुपैयाँ पाउने

साउन ३१, २०७७ शनिबार १४:१४:३६ | किरण थापा

सिन्धुपाल्चाेक – सिन्धुपाल्चोकको जुगल गाउँपालिका–२ लिदीमा पहिरोमा परेर ज्यान गुमाएकाका परिवारले १ लाख रुपैयाँ पाउने भएका छन् ।

जुगल विपत व्यवस्थापन समितिको बैठकले ज्यान गुमाएकाको परिवारलाई १ लाख रुपैयाँको दरले राहत रकम दिने निर्णय गरेको हो । काजकिरियाका लागि परिवारलाई तत्काल २५ हजार रुपैयाँ उपलब्ध गराइने गाउँपालिकाका अध्यक्ष होमनारायण श्रेष्ठले जानकारी दिनुभयो ।

यस्तै दुवै अभिभावक गुमाएका बालबालिकाको हकमा कक्षा १२ सम्म निःशुल्क आवासीय शिक्षाको व्यवस्थापन गरिदिने निर्णय भएको छ । यस्तै घरवार विहीन नागरिकको सुरक्षित र स्थायी आवास निर्माणको लागि संघ र प्रदेश सरकारसँग समन्वय गर्ने निर्णय पनि विपत व्यवस्थापन समितिले गरेको छ ।

ठूलो पानी परेसँगै जुगल गाउँपालिकाका अरु बस्ती पनि जोखिममा रहेका छन् ।

अहिले पनि पहिरोमा परेर हराइरहेकाहरुको नेपाली सेना, ससस्त्र प्रहरी, जनथप र स्थानीय युवाहरुको सहयोगमा खोजी भैरहेको छ । पहिरोमा परेकाहरुमध्ये अहिलेसम्म १३ जनाको शव निकालिएको छ । अझै २६ जना हराइरहेका छन् । हिजो बिहान खसेको पहिरोले ३७ वटा घरमा नोक्सानी पुर्याएको र त्यसमध्ये १३ वटा घर पुरै भत्किँदा हराएकामध्ये ११ जनाको शव हिजो र २ जनाको आज भेटिएको हो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्