‘हामी परदेशी हिजो देश छोड्दा पनि दुःखी थियौँ, आज फर्किन नपाउँदा पनि दुःखी नै छौँ ।’

साउन ३२, २०७७ आइतबार १३:९:५२ | मेरो कथा मेरो भोगाई

सुरेश राई/उदयपुर, हाल यूएई

परदेशीका पीडा त कति छन् कति । हामी मरुभूमिमा यसरी दुःख गरिरहेका छौं ।

आफ्नो परिवार र देशको विकास होस् भन्ने सोचेर रातदिन काममा खटिरहेका हुन्छौं । तर सरकारले भने हामीहरुको अवस्थाको बारेमा जान्ने कुनै चासो राख्दैन । अनि दुःख लाग्छ हामीलाई ।

सरकारलाई मेरो अनुरोध छ, दुनियाँभरका गफ दिएर गरीबहरुको जीवन बर्बाद नपारिदेउ । हामी परदेशी हिजो देश छोड्दा पनि दुःखी थियौँ आज फर्किन नपाउँदा झन् दुःखी छौँ । अहिले देशमा मात्र होइन विदेशमा रहेका नेपाली युवा पनि आक्रोशित छन् । यो आक्रोशको सही मूल्यांकन गरिएन भने, परदेशीको पीडाहरुलाई सम्बोधन गरेर देशमै रोजगारी सिर्जना गरिएन भने देशमा फेरि आन्दोलन हुनेछ । सरकारले यो कुरा बुझ्न जरुरी छ ।

पक्कै पनि हामी परदेशमा काम गर्छौं तर हाम्रो मन आफ्नै देशको हालखबर बुझ्नमा लागिरहन्छ । सरकारका कामकारबाही देखेर परदेशको तातो हावाले भन्दा बढी मन जलाउँछ । लाग्छ, सरकार कता जाँदैछ ? कतै मेरो देशको सरकार पनि खाडीमा बिचल्लीमा परेका युवाजस्तै बिचल्लीमा त परेको छैन ?

उद्धारमा यति करोड सकियो उति सकियो भनेर दिनहुँ भाषण दिइरहन्छन् तर खै हामीहरुको उद्धार भएको ? कहाँ गयो त्यति करोड रुपैयाँ ? त्यसै त पोलिएको मनमा यस्ता भाषणले मट्टीतेल छर्केर आगो लगाइदिए जस्तै लाग्छ ।

केही गरौं भनेर नेपाल जाँदा कतै दलाल, कतै नेता भनाउँदा ठूलाबडाको चाकडी गर्नुपर्ने । के यो विना देशविकास सम्भव छैन र ? के हामी युवाले सहज रुपमा आफ्नै देशमा काम गर्ने वातावरण नमिल्ने हो र ? सरकारबाट पाइने अनुदानको बारेमा बुझ्न सरकारी कार्यालयदेखि पालिकासम्म जाँदा आफूले सोधेको जवाफको उत्तर पाउनै सकिंदैन । त्यसैले जबसम्म देशको अवस्था यस्तो हुन्छ तबसम्म हामीहरुको बाध्यता नै हुनेछ परदेश ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्