राष्ट्रकवि घिमिरेको जन्मथलोमा सार्वजनिक बिदा

भदौ ३, २०७७ बुधबार १४:५९:२३ | श्यामशितल परियार

लमजुङ – राष्ट्रकवि माधवप्रसाद घिमिरेको जन्मथलो लमजुङको मर्स्याङ्दी (यसअघिकाे बाहुनडाँडा गाविसकाे भीरपुस्तुन) गाउँपालिकामा बुधबार सार्वजनिक बिदा दिइएको छ ।

उहाँको सम्मानमा बुधबार एक दिनका लागि गाउँपालिकामा सार्वजनिक बिदा दिने निर्णय गरिएको गाउँपालिकाका उपाध्यक्ष होमबहादुर विकले बताउनुभयो । घिमिरेको जन्मथलो मर्स्याङ्दी गाउँपालिकामा ‘राष्ट्रकवि माधवप्रसाद घिमिरे स्मृति पार्क’ पनि निर्माण भइरहेको छ ।’

घिमिरेकाे विसं १९७६ असोज ७ गते लमजुङको तत्कालीन बाहुनडाँडा गाविसको भीरपुस्तुनमा जन्म भएको थियो ।

राष्ट्रकवि घिमिरेकाे मङ्गलबार साँझ आफ्नै निवासमा निधन भएकाे हाे । उहाँले कवितासँगै साहित्यका अन्य विधामा पनि कलम चलाउनुभएको छ ।

घिमिरेले कविता, खण्डकाव्य, गीतिनाटक, कथा, अनुवाद, लेख, प्रबन्धलगायतका क्षेत्रमा कलम चलाउनुभएको छ । तीमध्ये राष्ट्रकवि घिमिरेका गौरी शोक काव्य सबैभन्दा चर्चित छ ।

उहाँका ‘नवमञ्जरी’, ‘घामपानी’, ‘नयाँ नेपाल’ र ‘किन्नरकिन्नरी’ आदि कविता सङ्ग्रह प्रकाशित छन् । स्वच्छन्दतावादी भावधाराका कवि घिमिरेका ‘गाउँछ गीत नेपाली’ जस्ता कैयौँ राष्ट्रिय भावका गीत तथा कविताहरू लोकप्रिय छन् ।

याे पनि पढ्नुहाेस्

लमजुङवासी भन्छन् : राष्ट्रकविको जिल्ला भनेर चिनिन पाउँदा खुसीले छाती चौडा हुन्छ

सम्झनामा राष्ट्रकवि : 'विरहमा पनि कवि मन रमाउन सक्नुपर्छ'

'ऋतम्भरा' महाकाव्य छाडेर गयो राष्ट्रकवि घिमिरेको चोला

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

राष्ट्रकवि घिमिरेको जन्मथलोमा सार्वजनिक बिदा

फाइल फाेटाे

तपाईको प्रतिक्रिया