डाक्टर केसी डिस्चार्ज, सहमति कार्यान्यवयन नभए कडा विरोधमा उत्रने चेतावनी

साउन २२, २०७५ मंगलबार १६:५०:४८ | उज्यालो सहकर्मी

काठमाडौं – डाक्टर गोविन्द केसीले सरकारले आफूहरुसँग गरेको सहमति कार्यान्वयन गर्न छलछाम गरे कडा विरोधमा उत्रिने चेतावनी दिनुभएको छ ।

१५ औं पटक २७ दिनसम्मको अनसन बसेर गएको १० गते सरकारसँग वार्ता भएपछि अनसन तोडेका डाक्टर केसीले मंगलबार पत्रकार सम्मेलन गर्दै आफूहरुसँग सरकारले गरेको वार्ता अक्षरशः कार्यन्वयन गर्नुपर्ने बताउनुभएको हो ।

डाक्टर गोविन्द केसीले आफूसँग भएका सम्झौता कार्यान्वयन गर्न सरकारलाई आग्रह गर्नुभएको छ । शिक्षण अस्पताल महाराजगञ्जमा उपचारपछि घर फर्कने क्रममा डाक्टर केसीले पत्रकार सम्मेलन गरी साउन १० गते भएका सम्झौता कार्यान्वयन गर्न सरकारलाई आग्रह गर्नुभएको हो ।

केसी र सरकारबीच चिकित्सा शिक्षा विधेयक संशोधन लगायत ९ बुँदामा सम्झौता भएको थियो । आफूहरुसँगको सम्झौता मन्त्रिपरिषदबाट अनुमोदन हुनु पर्ने, कर्णाली स्वास्थ्य विज्ञान प्रतिष्ठानको काम अघि बढाउन कार्यदल बनाउने तथा जाँचबुझ आयोगले दोषी ठहर गरेका पदाधिकारीहरुलाई कारबाही गर्ने लगायतका सहमति तत्काल कार्यान्वयनमा लैजान डाक्टर केसीले सरकारको ध्यानाकर्षण गराउनु भएको छ ।

डाक्टर केसीले चिकित्सा शिक्षा विधेयक २०७५ मा सत्तारुढ दल तथा विपक्षी दलका सांसदहरुबाट संशोधन समेत हालिएको भन्दै अनसन टुंग्याउने क्रममा सत्तारुढ दलका नेताहरुले जनाएको प्रतिबद्धता अनुसार चिकित्सा शिक्षा ऐन जारी हुनेमा आफू विश्वस्त रहेको बताउनुभयो ।

डाक्टर केसीको स्वास्थ्य अवस्था समान्य हुन थालेपछि उहाँ मंगलबार डिस्चार्ज हुनु भएको हो ।

अन्तिम अपडेट: फागुन २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्