दैलेखमा थप तीनदिन निषेधाज्ञा लम्बियो

 भदौ ८, २०७७ सोमबार ९:४३:३० | अमर सुनार
unn.prixa.net

दैलेख - दैलेखमा तीनदिन निषेधाज्ञा लम्बिएको छ । ४ गतेदेखि सुरु भएको निषेधाज्ञा भदौ १० रातिसम्मका लागि लम्ब्याइएको हो । 

तीजमा भिडभाड रोक्न ४ दिन गरिएको निषेधाज्ञा थप तीनदिन बढाइएको दैलेखका प्रमुख जिल्ला अधिकारी सन्तबहादुर सुनारले जानकारी दिनुभयो ।

थप गरिएको निषेधाज्ञा अवधिमा औषधि पसललगायत स्वास्थ्य सेवा, खानेपानी, इन्धन, कृषि उपज ओसारपसारलगायतका अत्यावश्यक सेवाहरु बिहान ६ बजेदेखि ८ बजेसम्म र दिउँसो ४ बजेदेखि ६ बजेसम्म खुला हुनेछ ।

स्वास्थ्य सचेतना र सुरक्षा सावधानीमा बेवास्ता भएको कारण समुदायमा कोरोना संक्रमण देखिन थालेपछि जिल्लाभरका निषेधाज्ञा जारी गरिएको र कडाइका साथ कार्यान्वयन गर्ने रणनीति लिइएको सहायक प्रजिअ इन्द्रबहादुर क्षेत्रीले बताउनुभयो ।

अन्तिम अपडेट: मंसिर ४, २०७७

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ । 

तपाईको प्रतिक्रिया