बारामा आयल निगमका कर्मचारीसहित थप ९२ जनामा कोरोना सङ्क्रमण

 भदौ ८, २०७७ सोमबार १७:४९:५८ | जयनारायण यादव
unn.prixa.net

बारा – बारामा साेमबार जनप्रतिनिधि र कर्मचारीसहित ९२ जनामा कोरोना भाइरसको सङ्क्रमण देखिएको छ । 

राष्ट्रिय जनस्वास्थ्य प्रयोगशाला काठमाण्डाैमा गरिएको स्वाब परीक्षणमा कलैया उपमहानगरपालिकाका विभिन्न वडाका वडाध्यक्ष र कर्मचारीसहित बाराका ९२ जनामा कोरोना सङ्क्रमण देखिएको प्रहरी नायब उपरीक्षक (डीएसपी) गौतम मिश्रले जानकारी दिनुभयाे । 

कलैया उपमहानगरपालिकाका चार जना वडाध्यक्ष र इन्जिनियरसहितका कर्मचारी गरी ७३ जनामा कोरोना सङ्क्रमण देखिएको हो । त्यसैगरी अमलेखगञ्जकाे नेपाल आयल निगमका दुई जना अधिकृतसहित पाँच जना कर्मचारीमा पनि कोरोना पोजेटिभ देखिएको निगमका प्रमुख भरत रेग्मीले बताउनुभयाे । सङ्क्रमण पुष्टि भएका कर्मचारीलाई एउटा होटलको आइसोलेशनमा राखिएको उहाँले जानकारी दिनुभयाे । 

अमलेखगञ्जमा कर्मचारी र टयाङ्कर चालक गरी १६ जना, परवानीपुर गाउँपालिका ५ काे बहुअरिका एक र अन्य दुई जनामा समेत कोरोनाको सङ्क्रमण देखिएको जिल्ला स्वास्थ्य कार्यालयका प्रमुख रामनरेश यादवले जानकारी दिनुभयाे । 

अन्तिम अपडेट: भदौ ९, २०७७

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया