भदौ १६ पछि नियमित र उद्धार उडानबाट फर्कंदै हुनुहुन्छ ? यी कुरा जान्नुहोस्

 भदौ ११, २०७७ बिहीबार १४:३४:११ | उज्यालो सहकर्मी
unn.prixa.net

काठमाण्डौ – भदौ १६ पछि विदेशमा समस्यामा रहेका नेपालीको स्वदेश फिर्तीका लागि नियमित उडान हुँदैछ । सरकारले नियमित उडानको तालिकासमेत सार्वजनिक गरिसकेको छ । तर नियमित उडानबाट फर्कन त्यति सजिलो छैन । नियमित उडानबाट फर्कनेले पालना गर्नुपर्ने सर्तहरु थुप्रै छन् । नियमित उडान सबै देशबाट हुने पनि छैन । 

यी देशबाट हुँदैछ नियमित उडान

संस्कृति, पर्यटन तथा नागरिक उड्डयन मन्त्रालयले भदौ १६ गतेदेखि ८ देशबाट नियमित उडान हुने जनाएको छ । मन्त्रालयका अनुसार अब मलेसिया, टर्की, दक्षिण कोरिया, जापान, चीन, हङकङ, यूएई र कतारबाट नियमित उडान हुनेछ । २ सेम्टेम्बरदेखि ३० सम्ममा ६० वटा नियमित उडान हुनेछ । त्यसको तालिका पर्यटन मन्त्रालयले सार्वजनिक पनि गरिसकेको छ । 

नियमित उडानमार्फत फर्कनेले पालना गर्नुपर्ने सर्तहरु

  • ​पीसीआर रिपोर्ट नेगेटिभ हुनपर्छ

​सरकारले पीसीआर जाँच सहज भएका देशबाट नियमित उडान सुरु हुने जनाएको छ । त्यसैले अब मलेसिया, यूएई, कतार, टर्की, दक्षिण कोरिया, जापान, चीन र हङ्कङबाट नियमित उडान हुनेछन् र यी देशबाट फर्कनेको साथमा पीसीआर जाँचको रिपोर्ट नेगेटिभ भएको अनिवार्य हुनपर्छ ।

पीसीआर जाँचको रिपोर्ट ७२ घण्टाभित्रको हुनुपर्नेछ । पीसीआर नेगेटिभ भएको रिपोर्ट दिएपछि मात्रै सम्बन्धित वायुसेवाले बोर्डिङ पास दिनेछन् । पीसीआर रिपोर्ट नेगेटिभ हुनेहरु काठमाण्डौको होटल क्वरेण्टीनमा बस्न पर्दैन, सिधै घर जान पाइन्छ । 

  • नियमित उडानबाट पीसीआर रिपोर्ट नभएका आउन नपाउने 


नियमित उडानमा पीसीआर रिपोर्ट नभएका, कोरोना पोजेटिभ देखिएका र सरकारले जारी गरेको सर्त पालना नगरी यात्रुहरु ल्याउन पाइने छैन । यस्ता यात्रु ल्याएमा  एअरलाइन्स कम्पनीलाई कारबाही हुन्छ भने यात्रुको होटल क्वरेण्टीनको खर्चसमेत एअरलाइन्सले नै व्यहोर्नु पर्नेछ । 

अनलाइन फारम 

अब नियमित उडानबाट आउने सबै यात्रुले जहाज चढ्नुभन्दा ७२ घण्टा भित्रको पीसीआर नेगेटिभ भएको प्रमाण र कोभिड १९ संकट व्यवस्थापन केन्द्र (सीसीएमसी)को वेवसाइटमा राखिएको फर्म भरेर त्यसको बारकोड वा प्रिन्ट अनिवार्य साथमा ल्याउनुपर्नेछ । कुनै यात्रुले यस्तो फारम भर्न छुटाएको भए सम्बन्धित वायुसेवा कम्पनीले अनबोर्ड गर्दाकै समयमा फारम यात्रुलाई उपलब्ध गराउनुपर्ने सर्तसमेत राखिएको छ ।

यी देशमा हुनेछन् चार्टर्ड उडान

सेप्टेम्बर २ देखि ३० सम्ममा २७ वटा चार्टर्ड उडान हुँदैछ । चार्टर्ड उडान विशेषगरी कोरोनाको पीसीआर सहज नभएका देशहरु त्यसमा पनि खाडीका देशमा हुँदैछ । कतारको दोहा, साउदीको तीन राज्य रियाद, दमाम र जेद्धा, ओमान र कुवेतबाट चार्टर्ड उडान तालिका तय भएको छ भने अर्को उडान माल्दिभ्सबाट पनि हुनेछ । 

यी देशमा पीसीआर सहज नभएको कारण सरकारले नियमित उडानको साटो चार्टर्ड उडान गर्न लागेको हो । तर पीसीआरको नेगेटिभ रिपोर्ट हुनेहरु कतारबाट नियमित उडानमा आउन पाउनेछन् । पीसीआर नेगेटिभ भएका र जाँच नगरेका यात्रु एकै विमानमार्फत फर्कन नपाउने भएकाले पनि कतारको हकमा नियमित र चार्टर्ड दुवै उडान हुन लागेको हो । 

पहिले कतारमा पीसीआर जाँच त्यति सहज नभए पनि पछिल्लो समय केही सहज भएकाले सरकारले कतारमा पनि चार्टर्ड उडान नगरी नियमित उडान नै गर्न सकिने बताएको छ । कतारमा रहेको नेपाली दूतावासले कोरोना पीसीआर गर्ने सकिने अस्पतालको सूची पनि सार्वजनिक गरिसकेको छ । 

चार्टर्ड उडानबाट फर्कंनेले होटल क्वरेण्टीनमा बस्नु पर्ने

अब एउटै जहाजबाट पीसीआर नेगेटिभ आएका र परीक्षण नै नगरेका यात्रु ल्याउन एअरलाइन्सले पाउने छैनन् । चार्टर्ड उडानबाटै फर्किए पनि ७२ घण्टा नकटेको पीसीआर रिपोर्ट नेगेटिभ छ भने काठमाण्डौमा होटल क्वरेण्टीनमा बस्नु पर्ने छैन ।

तर पीसीआर रिपोर्ट छैन भने चार्टर्ड उडानमार्फत कुवेत, साउदी, कतार, ओमान र माल्दिभ्सजस्ता देशबाट फर्कनेले काठमाण्डौमा आफ्नै खर्चमा होटल क्वरेण्टीनमा बस्नु पर्छ । सात दिन होटल क्वरेण्टीनमा बसेपछि पीसीआर रिपोर्ट नेगेटिभ आएमा सम्बन्धित जिल्ला वा होम क्वरेण्टीनमा जान पाइन्छ भने रिपोर्ट पोजेटिभ आएमा आइशोलेसनमा बस्नुपर्छ । 

होटल खर्च :

  • इकोनोमी वा पर्यटकस्तर होटल :

सात रात र आठ दिनको लागि बस्दा दुई जना बस्ने कोठाको लागि प्रतिव्यक्ति एक मुष्ट ११ हजार रुपैयाँ लाग्ने छ । यो रकम फिर्ता हुँदैन । एक जना मात्र बस्ने कोठाका लागि एकमुष्ठ १७ हजार पाँच सय रुपैयाँ तोकिएको छ । यो रकम पनि फिर्ता हुने छैन ।

यो अवधिभन्दा बढी बस्न परेमा दुई जना बस्ने कोठाको प्रतिव्यक्ति एक दिनको थप १५ सय रुपैयाँ र एक जना मात्र बस्नको लागि २५ सय रुपैयाँ लाग्नेछ ।

  • स्टार बुटिक होटल :

यो होटलमा एक जना बस्ने कोठाको लागि चार हजार रुपैयाँका दरले सात दिन बस्नु पर्नेछ भने दुई जना बस्ने कोठाको लागि प्रतिव्यक्ति २५ सयका दरले शुल्क लाग्ने छ । सबै स्तरका होटल शुल्कमा एअरपोर्ट, होल्डिङ सेन्टरबाट सम्बन्धित होटलसम्म पिकअप खर्च समेत समावेश हुन्छ । 

होटलको भौचर पनि साथमा राख्नुहोस्

उद्धार उडानबाट नेपाल आउनेले हवाई टिकटसँगै विभिन्न रंगको होटल भौचर पनि साथमा लिएर आउनु पर्छ । इकोनोमी, पर्यटक स्तरको होटमा बस्नेले हरियो रंगमा सिंङ्गल वा डबल अकुपेन्सी लेखिएको भौचर ल्याउनु पर्छ । स्टार, बुटिक होटलमा बस्नका लागि निलो रंगमा सिंङ्गल वा डबल अकुपेन्सी लेखिएको भौचर ल्याउन पर्छ ।

तीन तारा वा त्यो भन्दा माथिल्लो तारास्तरको होटलमा बस्नेले बैजनी –पिंक रंग भएको भौचरमा तीन, चार वा पाँच तारास्तर भनेर स्पष्ट खुलाई सिङ्गल वा डबल अकुपेन्सी लेखिएको भौचर ल्याउनु पर्छ । होटललाई तिर्नु पर्ने शुल्क पहिले नै बुझाउनु पर्नेछ ।

यसको व्यवस्था वायु सेवा कम्पनीले नै मिलाउने गरी संस्कृति, पर्यटन तथा नागरिक उड्डयन मन्त्रालयले निर्देशन दिएको छ ।

नेपाल आउने सबैले स्वास्थ्य तथा जनसंख्या मन्त्रालयबाट जारी भएको स्वास्थ्य तथा सुरक्षासम्बन्धी मापदण्डको अनिवार्य पालना गर्नुपर्ने भएको छ । उता, वायुसेवा र विमानस्थलका लागि नेपाल नागरिक उड्डयन प्राधिकरणले छुट्टै  निर्देशनसमेत जारी गरेको छ । वायुसेवा कम्पनीले ती निर्देशनको समेत पालना गर्दै यात्रु नेपाल ल्याउन पाउने छन् ।

जिल्ला कोभिड १९ संकट व्यवस्थापन केन्द्रबाट छनोट भएका होटेलको सूची सार्वजनिक भइसकेको छ । 

होटल क्वरेण्टीनबारे थप जान्न यहाँ क्लिक गर्नुहोस्

याे पनि पढ्नुहाेस्

 

अन्तिम अपडेट: पुस ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • Santakumarkewat

    Aug. 30, 2020, 6:24 p.m.

    कम्पनीमा काम नभएर २ महिना बसेको र खानाको पैसा नदिएको , अहिलेसम्म अरुको सहारामा खाँदै बस्दै छु , मेरो घरमा पनि समस्या छ /

  •  0 Reply

  • राज पुन

    Aug. 30, 2020, 10:36 a.m.

    महोदय, जुन नियमित उडान र चार्टर उडान भनिएको छ नि यस्मा कुनै आपत्ती छैन, आपत्ती यो कुरामा छ कि यहाँ (कतार) भएका नेपाल एम्बेसिका कर्मचारीले कहिले पनि फोन रिसिभ गर्दैनन, हरेक मानिशको आ- आफ्नै सम्स्या हुन्छन आफ्नो समस्या बताउनको लागि पनि कति पय ब्यक्तिले फोन सम्पर्क गर्न खोज्छ्न तर फोन रिशिभ हुदैन, इ- मेल मार्फत सम्पर्क गर्न खोज्यो कुनै रिपलाइ आउदैन यो त अलि कर्मचारीको लापर्बाही भएन र? कृपया ध्यानाकर्षण होस.

  •  0 Reply

तपाईको प्रतिक्रिया

समाचार

लोकप्रिय

१

सुदूरपश्चिम र कर्णालीमा वर्षा र हिमपात, बेलुकासम्म अरू ठाउँमा पनि पानी पर्ने सम्भावना

२

राष्ट्र बैंकले तीन वटा रेमिट्यान्स कम्पनीको इजाजत खारेज गर्‍याे

३

यमनको साना अन्तर्राष्ट्रिय विमानस्थलमा भएको बम आक्रमणमा डब्ल्यूएचओका प्रमुख जोगिए

४

एसईईका लागि परीक्षा आवेदन फाराम खुल्यो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई