२४ दिनका नवजात शिशुले जिते कोरोना

भदौ २७, २०७७ शनिबार १९:६:५४ | श्यामशितल परियार

लमजुङ – लमजुङमा एक २४ दिनका शिशुले कोरोना जितेका छन् । शनिबार २४ दिनका नवजात शिशुसहित जिल्लामा एकैदिन १८ जनाले कोरोना जितेका हुन् ।

शनिबार बेसीशहर नगरपालिकाका ९, क्वहोलासोँथर गाउँपालिकाका १, लमजुङमा कार्यरत ५, मर्स्याङ्दी गाउँपालिकाका १ र राइनास नगरपालिका ९ का एक पुरुष र २४ दिनका नवजात शिशु गरी जिल्लामा शनिबार १८ जनाले कोरोना जितेका सहायक प्रमुख जिल्ला अधिकारी काजीमान सुनारले जानकारी दिनुभयो । उहाँका अनुसार नवजात शिशुमा गएको भदौ १४ गते कोरोना सङ्क्रमण पुष्टि भएको थियो ।

योसँगै लमजुङमा कोरोना सङक्रमणबाट निको हुनेको संख्या १४ महिला, १ सय २५ पुरुष गरी १ सय ३९ पुगेको छ । यसैगरी, लमजुङमा शनिबार एक जनामा कोरोना सङ्क्रमण पुष्टि भएको छ । शनिबार बेसीशहर नगरपालिका वडा नं ३, का ३७ वर्षका एक महिलामा कोरोना सङ्क्रमण पुष्टि भएको हो ।

यो संगै जिल्लामा ५९ महिला, २ सय २६ पुरुष गरी २ सय ८५ जनामा कोरोना सङ्क्रमण पुष्टि भएको छ । सङ्क्रमितमध्ये १ सय ३९ जना निको भएसँगै अहिले जिल्लामा ४५ महिला, १ सय १ पुरुष गरी आइसोलेशनमा रहनेको संख्या १ सय ४६ रहेको छ ।

लमजुङमा हाल क्वरेण्टीनमा रहनेको संख्या ३७ रहेको छ । ३ महिला, ३४ पुरुष गरी जिल्लाका क्वरेण्टीनमा रहनेको संख्या ३७ रहेको सहायक प्रमुख जिल्ला अधिकारी सुनारले जानकारी दिनुभयो । जिल्लामा २ सय ३४ वेड क्षमताका २८ क्वरेण्टीन गृह रहेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्