पहिरो खसेपछि मध्यपहाडी लोकमार्गको कुश्मा–बाग्लुङ सडक बन्द

भदौ २८, २०७७ आइतबार १४:२६:३३ | सन्तोष थापा

पर्वत – अविरल वर्षासँगै आएको पहिरोले मध्यपहाडी लोकमार्ग बन्द भएको छ । मध्यपहाडी लोकमार्गको कुश्मा–बाग्लुङ सडक खण्डमा पर्ने सहस्रधारामा आइतबार बिहान पहिरो जाँदा सडक बन्द भएको हो ।

झण्डै पाँच सय मिटर सडक माथिबाट झरेको पहिरोले सडकको ५० मिटर भाग पुरेको छ । पहिरो दिउँसो १ बजेसम्म पनि झरिरहेका कारण सडक खुलाउने काम अघि बढाउन नसकेको जिल्ला ट्राफिक कार्यालय पर्वतका प्रमुख कृष्णबहादुर खड्काले जानकारी दिनुभयो । सडकमा पहिरो खस्न रोकिएपछि काम सुुरु गरिने र पहिरो हटाउन पाँच घण्टासम्म लाग्न सक्ने उहाँले बताउनुभयो ।

आइतबार बिहान ६ बजेको समयमा पहिरो खसेपछि सडक बन्द भएको थियो । सडक बन्द भएपछि अत्यावश्यक कामका लागि आवात जावत गर्ने सर्वसाधारणलाई समस्या भएको छ । विशेषगरी बाग्लुङ, म्याग्दी र मुस्ताङमा उपचार हुन नसकेर पोखरा रेफर गरिएका बिरामीहरु समस्यामा परेका छन् ।

सडक बन्द भएपछि बाग्लुङ, म्याग्दी, मुस्ताङलगायतका जिल्लाबाट बाहिरिने सवारी साधनहरु सहस्रधारातर्फ नै रोकिएका छन् भने पोखरा, काठमाण्डौलगायतका लामो दुरीका सवारी साधनहरु कुश्मा १ नयाँ पुलमा अलपत्र अवस्थामा रहेका छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्तोष थापा

पर्वतका उज्यालो सहकर्मी सन्तोष थापा त्यहाँको स्थानीय पत्रिकामा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्