कोरोनाविरुद्धको लडाइँमा नागरिक अग्रमोर्चाका सिपाही हुन् : परराष्ट्रमन्त्री ज्ञवाली

असोज १, २०७७ बिहीबार १७:११:९ | जनार्दन घिमिरे

गुल्मी – परराष्ट्रमन्त्री एवं नेपाल सरकारका प्रवक्ता प्रदीपकुमार ज्ञवालीले कोभिड–१९ विरुद्धको लडाइँमा प्रत्येक नागरिक अग्रमोर्चाको सिपाही भएको बताउनुभएको छ ।

यो लडाइँ सरकारको मात्र नभएको भन्दै उहाँले सबै नागरिकलाई सतर्क र सचेत रहँदै सहयोग गर्न आग्रह गर्नुभएको छ । मन्त्री ज्ञवालीले यो लडाइँ हतियार, गोलाबारुद र पैसाले लड्न सक्ने लडाइँ नभएको पनि बताउनुभयो ।

गुल्मीको सदरमुकाम तम्घासमा बिहीबार कोभिड–१९ परीक्षण प्रयोगशाला ल्याबको उद्घाटन गर्दै उहँले यस्तो बताउनुभएको हो । वर्तमान सरकारले स्वास्थ्यको क्षेत्रमा पर्याप्त ध्यान दिँदै कोभिडका कारण बिग्रन लागेको अर्थतन्त्रलाई लयमा फर्काउन र विदेशबाट फर्केका बेरोजगारहरुलाई रोजगारी प्रदान गर्नतर्फ लागेको बताउनुभयो ।

परराष्ट्रमन्त्री मन्त्री ज्ञवालीले सरकारले ७ प्रतिशतको दरले आर्थिक वृद्धिदर र १ दशमलव ५ प्रतिशतका दरले गरिबी घटाउँदै लगेको भन्दै नेपालले सबै सूचकाङ्कमा महत्त्वपूर्ण सफलता हासिल गर्दै गएको दाबी गर्नुभयो ।

'घर झगडामै बित्यो महत्त्वपूर्ण समय'

मन्त्री ज्ञवालीले कोरोना भाइरसकाे विरुद्धमा लगाउनु पर्ने मूल्यवान् समय घरझगडामा बितेको बताउनुभएको छ । सीमा व्यवस्थापन, आर्थिक रिकभरी र कोभिडलगायतका विषयहरुमा घरझगडाका कारण उल्लेखनीय गति लिन नसके पनि पार्टी एकताबद्ध भएसँगै अब मुख्य कुरामा फोकस गरिने बताउनुभयो ।

देशमा राजनीतिक पार्टीहरु सुदृढ हुनु आवश्यक रहेको भन्दै उहाँले पार्टीको कलहले सबै क्षेत्रलाई असर पुराउने तर्क गर्नुभयो । घरभित्र भाँडा बजेपछि बाहिर छिमेकीहरुले निकै खुसी मनाएको र धेरैले मुख मिठ्याएको भन्दै मन्त्री ज्ञवालीले नेकपा एकतावद्ध बनेर अघि आएको कारण यो सबैका निम्ति खुसीको विषय भएको बताउनुभयो ।

गएको दुई महिनाअघि मात्रै हिमालय एअरलाइन्सले गुल्मीमा निःशुल्क पीसीआर मेसिन उपलब्ध गराएको थियो । त्यो पीसीआर मेसिनमा समस्या आएका कारण गएको महिना फिर्ता पठाइएपछि हिमालय एअरलाइन्सले फेरि अर्को मेसिन उपलब्ध गराएको थियो ।

रेसुङ्गा नगरपालिकाको व्यवस्थापीय सहयोगमा सञ्चालनमा ल्याउन लागिएको पीसीआर ल्याबले यसै हप्तादेखि परीक्षण सुरु गर्ने गुल्मी अस्पतालका डाक्टर उत्तम पाच्यले बताउनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्