दशैँअघि नै ढकमक्क फुल्यो सयपत्री : तिहारसम्म जोगाउनै मुस्किल ! (फाेटाे फिचर)

कात्तिक ४, २०७७ मंगलबार ७:२:२६ | श्यामशितल परियार

लमजुङ - अहिले आँगनी छेउमा लहरै रहेका सयपत्री फूल ढकमक्क फुल्न थालेका छन् । घर-आँगनी छेउमा पहेंलपुर फुलेका फूलले आनन्दित तुल्याएको छ ।

सुन्दरबजार नगरपालिका-६, की सन्तुमाया बुढाप्रिथी भन्नुहुन्छ ‘ढकमक्क फूल फलेका छन् । घर अगाडि पहेंलपुर फुलेका फूल देख्दा रमाइलो लागेको छ,’ ।

अहिले लमजुङका घर, आँगन, बारीे ढकमक्क फुलेका रङ्गीचङ्गी फूलमा सजिएका छन् । ढकमक्क फुलेका फूलले सबैको मनै लोभ्याएको छ । सुन्दरबजार नगरपालिका-९, पैह्रेकी चाँदनी रिजाल अधिकारीको घर आँगनी छेउमा पनि ढकमक्क सयपत्री फुलिसकेका छन् ।

उहाँले वर्षेनि तिहारमा आफ्ना चार दाजुभाइलाई घरमै फुलेका फूलका माला लगाइदिँदै आउनुभएको छ ।

तर यसवर्ष दशैँ नआउँदै फूल फुलिसकेकाले तिहारसम्म फूल जोगाउन गाह्रो होला कि ! भन्ने चिन्ता लागेको छ, उहाँलाई । ‘दशैँ नआउँदै सयपत्री फूल फुल्न थालिसकेका छन् । तिहार आउनै अझै एक महिना बाँकी छ,’ उहाँले भन्नुभयो, ‘फूल ओइलिएर जान सक्छ । तिहारसम्म फूल जोगाइराख्न गाह्रो होला कि भन्ने चिन्ता छ ।’

यस वर्ष तिहारको भाइटीका मंसिर १ गते सोमबार परेको छ । पछिल्लो समय तिहारमा गाउँघरमा पाइने फूलका मालाभन्दा पनि सजिलोका लागि बजारमा पाइने कृत्रिम मालाको प्रयोग गर्ने प्रचलन बढ्दो छ ।

नेपाली संस्कारमा फूल र फूलको मालाको आफ्नै महत्व रहेको जानकारहरु बताउँछन् । सकेसम्म फूलको मालाको प्रयोग गर्नुपर्ने र घर-आँगनी, बारी छेउमा पुष्प खेती गर्न सकेमा यसबाट मनग्य कमाउन सकिने सरोकारवालाहरु बताउँछन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

श्यामशितल परियार

श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्