बाराको बलिरामपुर नाकामा कपडा तस्करसँग झडप हुँदा तीन जना सशस्त्र प्रहरी घाइते

कात्तिक ४, २०७७ मंगलबार १२:३७:२८ | जयनारायण यादव

बारा - बाराको विश्रामपुर गाउँपालिकाको बलिरामपुर नाकामा कपडा तस्करसँग झडप हुँदा तीन जना सशस्त्र प्रहरी घाइते भएका छन् ।

हिजो बेलुकी सशस्त्र प्रहरीको कलैयामा रहेको गण र बरैनिया बीओपीबाट खटेको टोलीमाथि आक्रमण हुँदा तीन जना घाइते भएका सशस्त्र प्रहरी उपरीक्षक रविनराज कर्णजितले जानकारी दिनुभयो । कपडाको तीनवटा ठूलो पोका नियन्त्रणमा लिने क्रममा तस्करहरुले सशस्त्र प्रहरीको टोलीमाथि लाठी र बाँसको भट्टासहित आक्रमण गरेका उहाँले बताउनुभयो ।

उहाँका अनुसार तस्करहरुले कपडासमेत खोसेर भारततर्फ नै फिर्ता लगेका छन् । बलिरामपुरमा सशस्त्र प्रहरीको फरवार्ड बेसका सशस्त्र प्रहरी निरीक्षक होमबहादुर खत्री र प्रहरी चौकीका प्रहरी सहायक निरीक्षक नरेन्द्र पौडेलले मासिक रकम लिएर कपडा तस्करी गराइरहेको सूचना पाएपछि सशस्त्र प्रहरीको गणबाट कपडा समात्न टोली परिचालन गरिएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयनारायण यादव

जयनारायण यादव बाराका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्