जाजरकाेटबाट जुम्ला जाँदै गर्दा सम्पर्कविहीन भएका २ जना तीन दिनपछि सम्पर्कमा आए

 मंसिर ३, २०७७ बुधबार १३:४६:३ | नेत्र शाही
unn.prixa.net

काठमाण्डाै – तिहार मनाउन जाजरकोटबाट जुम्ला जाँदै गर्दा सम्पर्कविहीन भएका दुई जना तीन दिनपछि सम्पर्कमा आएका छन् ।

अत्यधिक हिमपात भएपछि बाटोमै अलपत्र परेर सम्पर्कविहीन भएका जुम्लाको तिला गाउँपालिका ४ का ५२ वर्षीय शिक्षक प्रेमबहादुर सिंह र जुनीचाँदे गाउँपालिका जाजरकोटका ५६ वर्षीय  हरिबहादुर शाही सम्पर्कमा आएका हुन् ।

उनीहरूले आफूहरु तातोपानी गाउँपालिकाको कागचुचा लेकमा रहेको र धेरै हिउँ रहेकोले आउन नसकेको बताएका प्रेमबहादुर सिंहका भाइ धीरबहादुर सिंहले जानकारी दिनुभयो । यस वर्ष मङ्सिर सुरु हुना साथै भएको हिमपातका कारण जुम्लामा चिसो बढेको छ भने लेकाली क्षेत्रमा हिउँ जमेर जनजीवन कष्टकर बनेको छ । 

अन्तिम अपडेट: मंसिर ६, २०७७

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ । 

तपाईको प्रतिक्रिया