अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
सप्तरी – लामाे समयदेखि बन्द रहेकाे नाका खुलाउन माग गर्दै आइतबार सप्तरीको कुनाैली नाकामा एक घण्टा धर्ना दिइएकाे छ । नेपाल–भारत खुला सीमा संवाद समूहले सप्तरीकाे तिलाठी काेइलाडी गाउँपालिकाकाे तिलाठी बेल्ही भन्सारमा नाका खाेल्नुपर्ने माग गर्दै एक घण्टा धर्ना दिएकाे हाे ।
धर्ना कार्यक्रममा जनता समाजवादी पार्टी (जसपा) का केन्द्रीय कार्यकारिणी सदस्य तथा सांसद मनीस कुमार सुमन, जसपा नेपाल केन्द्रीय सदस्य तथा नेपाल–भारत खुला सीमा संवाद समूहका केन्द्रीय सदस्य गजेन्द्र कुमार मण्डल, राजविराज नगरपालिकाका प्रमुख शम्भु यादव, तिलाठी काेइलाडी गाउँपालिकाका अध्यक्ष सतीश कुमार सिंह, जसपा जिल्ला अध्यक्ष सुनिल कुमार झा, नेता गुडु देबलगायत सहभागी थिए ।
यस्तै दुई दिनभित्र नाका नखुलाइए मङ्सिर २४ गतेदेखि अनिश्चितकालीन धर्नालगायतका कार्यक्रम गर्ने जसपाका केन्द्रीय सदस्य गजेन्द्र मण्डलले जानकारी दिनुभयो ।