पठाओको कार्यालयमा तोडफोड, ४५ जना पक्राउ

पुष १३, २०७७ सोमबार १५:८:४० | उज्यालो सहकर्मी

काठमाण्डौ – राइड शेयरिङ एप पठाओको कार्यालय नयाँ बानेश्वरमा तोडफोड भएको छ । केही दिन अघिदेखि विभिन्न माग राखेर विरोध गरिरहेका पठाओका चालकहरुले कार्यालयमा तोडफोड गरेका हुन् ।

आफ्ना माग पूरा नभएको भन्दै सय जनाभन्दा धेरै पठाओका चालक कार्यालय घेराउ गर्न पुगेका थिए । त्यही बेला केही व्यक्तिले कार्यालयमा ढुङ्गा प्रहार गरेकाे प्रहरीले जनाएको छ । प्रहरीका अनुसार ४५ जनालाई पक्राउ गरिएको छ । तोडफोड कसले गर्यो भन्नेबारे अनुसन्धान भइरहेको प्रहरीले जनाएको छ ।

यस्तै अहिले पठाओका चालक र कम्पनीबीच समस्या समाधान गर्न छलफल पनि भइरहेको छ । पठाओका चालकले कमिसन घटाउनुपर्ने लगायतका माग राखेका छन् । पठाओ कम्पनीले चालकहरुले राखेको केही माग सम्बोधन गरेको जनाएको छ ।

पठाओले विज्ञप्ति निकालेर ११ बुँदाको मागमध्ये कतिपय माग पूरा गर्न नसक्ने बताएपछि कम्पनीमा केही चालक वार्ताका लागि पुगेका थिए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्