परदेशमा भए पनि निःशुल्क कोरोनाको खोप लगाउन पाएँ

माघ १४, २०७७ बुधबार १२:५३:११ | मेरो कथा मेरो भोगाई

रमेश क्षेत्री पोखरा/सिसेल्स ।

नेपालमा आजदेखि कोरोना विरुद्धको खोप लगाउन थालिएको छ । यो खबरले असाध्यै खुसी भएको छ । महामारीले संसारलाई आक्रान्त पारिरहेको बेलामा आफ्नो देशमा पनि खोप लगाउन सुरु गरियो भन्ने खबर सुन्न पाउँदा सायद मजस्ता धेरै परदेशी खुसी भए होलान ।

सुरुमा त कोरोना विरुद्धको खोप आयो रे भन्ने कुरा सुन्दा पनि विश्वास गर्न गाह्रो लाग्यो । तर केही हप्ताअघि म कार्यरत दक्षिण अफ्रिकाको सिसेल्समा पनि खोप आयो । खोप आयो रे भन्ने खबर अखबार र अनलाइनहरुमा पढ्दा साच्चै यति खुसी लाग्यो नि म त्यो खुसी शब्दमा व्यक्त गर्न सक्दिनँ । के होला, कस्तो खोला, खोप लगाएपछि कोरोना लाग्ला कि नलाग्लाजस्ता कुरा मनमा खेल्दो रहेछ ।

केही दिनअघि मेरो अफिसबाट कोरोना विरुद्धको खोप मैले पनि लगाउन पाउने जानकारी दियो । अफिसबाट आएको त्यो खबरले एकछिन त औधी खुसी लाग्यो । फेरि मनमा कताकता डर पनि । कतिलाई त खोपले असर गरेको खबर पनि त सुनिएको थियो । अब खोप त लगाउने भइयो । तर केही पो हुने हो कि झैं लाग्यो ।

जे होस् यो कोरोनासँग लड्न खोप नलगाई त सुखै छैन् । आँट गरियो । जनवरी २० मा कोरोना विरुद्धको पहिलो खोप लगाएँ । मैले कोरोनाको खोप लगाउने अवसर पाएमा धेरै जनाले मलाई पनि बधाई र शुभकामना दिनुभयो । अनि कतिपयले चाहिँ जिज्ञासा राख्नुभयो । कोरोनाको खोप लगाएपछिका अनुभव धेरैले सोध्नुभयो ।

तर सोचेजस्तो केही पनि नहुँदो रहेछ । जस्तो अरु खोपहरू लगाउँछौँ यो खोप पनि त्यस्तै रहेछ । मलाई त केही भएको छैन । लगाएको ३० मिनेटसम्म चाहिँ उहाँहरुकै सम्पर्कमा रहनुपर्दोरहेछ । त्यत्तिमात्र हो ।

अहिले त मैले मात्र हैन यहाँ रहेका जति पनि नेपाली दाजुभाइ दिदीबहिनिहरु हुनुहुन्छ सबैलाई निःशुल्क रुपमा खोप लगाउन पाउने व्यवस्था गरेको छ यहाँको सरकारले । सबैजनाले धमाधम लगाई पनि रहनुभएको छ ।

म सबैलाई नडराइन ढुक्क भएर खोप लगाउन अनुरोध गर्छु । यो महामारीसँग हामी आफैं लड्ने हो । डराउने होइन भन्न चाहन्छु ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्