बर्ड फ्लू : तारकेश्वरमा अध्ययन गर्न प्राविधिक टोली पुग्दै, घरपालुवा पक्षीमा समस्या देखिए परीक्षण गराउन आग्रह

 माघ १८, २०७७ आइतबार १३:२१:२५ | उज्यालो सहकर्मी
unn.prixa.net

फाइल तस्बिर

काठमाण्डाै - बर्ड फ्लूको सङ्क्रमण पुष्टि भएकाे काठमाण्डाैको तारकेश्वर नगरपालिका-७ क्षेत्रमा थप अध्ययनका लागि पशुसेवा विभागको अध्ययन टोली जाँदै छ ।

आसपासका क्षेत्रमा पालिएका पक्षीहरुको अवस्था कस्तो छ भनेर प्रभावित क्षेत्रमा टोली जान लागेको विभागका निमित्त महानिर्देशक डाक्टर दमयन्त्री श्रेष्ठले जानकारी दिनुभयो । काठमाण्डाैमा रोगको सङ्क्रमण कसरी आयो भन्नेबारे टोलीले अध्ययन गर्नेछ । यस्तै कुखुरामा कुनै समस्या देखिने बित्तिकै तत्काल परीक्षण गरिहाल्न विभागले आग्रह गरेको छ ।

याे पनि पढ्नुहाेस् ।

५ वटै पशुरोग अन्वेषण प्रयोगशाला रहेको र केन्द्रमा पनि केन्द्रीय पशुपक्षी रोग अन्वेषण प्रयोगशाला रहेकाले केही समस्या देख्नेबित्तिकै तत्काल परीक्षण गराइहाल्न विभागले आग्रह गरेको हो । यस्तै विभागले पक्षी तथा पक्षीजन्य वस्तुको उत्पादन र ओसापसारमा खटिने व्यक्तिहरुले अनिवार्य स्वास्थ्य परीक्षण गर्न आग्रह गरेको छ ।

भेटेरिनरी प्रमाणपत्र लिएर मात्रै एक ठाउँबाट अर्को ठाउँमा ओसारपसारमा खटिन विभागका निमित्त महानिर्देशक श्रेष्ठको आग्रह छ । यस्तै काठमाण्डाैमा बर्ड फ्लूको देखिएपछि भारतसँगको नाकामा कडाइ गरिएको छ । यसअघि भारतमा बर्ड फ्लू देखिएकाले भारतसँगको सबै नाकामा कडाइ गरिएको पशुसेवा विभागले जनाएको छ ।

विभागले भारतबाट हुने पक्षीजन्य सबै वस्तु आयातमा पूर्ण प्रतिबन्ध लगाइएको पनि जनाएको छ । केन्द्रीय पशुपक्षी रोग अन्वेषण प्रयोगशालामा गरिएको रियल टाइम पीसीआर परीक्षणमा काठमाण्डाै बर्ड फ्लू पुष्टि भएको हो । यसैबीच नेपालमा बर्ड फ्लू फेला परेकाले राम्रोसँग पकाएर मात्रै मासु खान डाक्टरले सुझाव दिएका छन् ।

बर्ड फ्लु पक्षीबाट मान्छेमा पनि सर्न सक्ने सम्भावना रहेकाले राम्रोसँग पकाएर मात्रै मासु खानुपर्ने डाक्टरको सुझाव छ ।  
 

अन्तिम अपडेट: पुस १, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

सालझण्डी–ढोरपाटन खण्डको काम १४ वर्षमा ३० प्रतिशत मात्र

२

रुसको राजधानी मस्कोमा भएको विस्फोटमा आणविक क्षेत्रका जनरलसहित दुई जनाको ज्यान गयो

३

निजी क्षेत्रलाई पनि प्रसारण लाइन निर्माणको अनुमति, प्राधिकरणको भूमिका खुम्चियो

४

इजरायलमा हाइपरसोनिक मिसाइल हानेको यमनको हुथी विद्रोहीको दाबी

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई