बम्परमा पाएकाे पदले मन्त्रीले नेपाल सरकार र श्री ५ काे सरकारसमेत छुट्याउन सकेनन् : भट्टराई

माघ १८, २०७७ आइतबार २०:३९:३ | किरण थापा

सिन्धुपाल्चोक – पूर्वमन्त्री तथा नेपाल कम्युनिस्ट पार्टी (नेकपा) काे दाहाल–नेपाल समूहका नेता योगेश भट्टराईले प्रधानमन्त्रीले आफूसँग नभएको अधिकार प्रयाेग गरेर प्रतिनिधि सभा विघटन गरेकाे बताउनुभएकाे छ ।

दाहाल–नेपाल समूहको राष्ट्रिय युवा सङ्घ नेपाल पाँचपोखरी थाङपाल गाउँपालिका कमिटीले आइतबार गरेकाे भेलालाई सम्बोधन गर्दै उहाँले यस्ता बताउनुभएकाे हाे । वैशाखमा कुनै पनि हालतमा चुनाव नहुने दाबी गर्दै भट्टराईले प्रधानमन्त्री केपी शर्मा ओलीले सत्ता लम्ब्याउन चुनावकाे नाटक गरेको दाबी गर्नुभएको छ ।

निर्वाचन आयोगका केही अधिकारीसँग भएको अनौपचारिक छलफलमा चुनाव भए पनि मङ्सिरमा हुने तर वैशाखमा कुनै पनि हालतमा चुनाव नहुने सङ्केत आफूले पाएको उहाँले बताउनुभयो ।

सम्बोधनका क्रममा भट्टराईले केपी ओलीले बम्परमा बाँडेको केन्द्रीय सदस्य निर्वाचन आयाेगले नमानेपछि केपी ओली झन् तनावमा रहेको जिकिर गर्नुभयो । नेकपा अहिलेसम्म नफुटेको भन्दै आधिकारिक रूपमा चार सय ४१ सहित केन्द्रिय कमिटीसहितको बहुमत आफूहरूसँगै रहेकाले नेकपाको आधिकारिकता आफूहरूसँग भएको उहाँले दाबी गर्नुभयो ।

खानेपानीमन्त्री मणि थापालाई इङ्गित गर्दै भट्टराईले बम्परमा पाएको पदले आफू कहाँ छु र के हो भन्ने समेत थाहा नभएकाले नेपाल सरकार र श्री ५ को सरकारसमेत छुट्याउन नसकेको बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

किरण थापा

किरण थापा सिन्धुपाल्चाेकका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्