माधवलाई प्रचण्ड, केपीलाई विप्लव, परदेशीलाई केही न केही

फागुन २४, २०७७ सोमबार १६:५७:५२ | मेरो कथा मेरो भोगाई

नारायण कोइराला, तानसेन पाल्पा/हाल, यूएई ।

भूमिगत राजनीति छोडेर वार्ताबाट देशको राजनीतिक मूलधारमा आउने भए । ‘रुखमा बेल पाको बाँदरलाई हर्ष न बिस्मात’ भन्ने उखान जस्तो भयो, हामी परदेशीलाई ।

यति छिटो छरितो तरिकाले कसरी सम्भव भयो ? विप्लव मञ्चमा चढे ।

तालिका आवाजहरू आउन थाले । हामी लाईभ हेरी कमेन्ट, शेयर, लाइक गरीरहयौं ।

प्रचण्डका पूर्व साथी बादल पनि प्रधानमन्त्री केपी ओलीलाई उज्यालो दिँदै प्रचण्डलाई बादल लगाएको अवस्था छ । अवस्था र व्यवस्था, अस्तव्यस्त र अलमल पनि भेटिन्छ । कान दुख्ने गरी सुन्दै आएको कुरा देशमा नयाँ क्रान्ति ल्याउनको लागि भनेर हामी नागरिकलाई लडाउने महासायहरु आज जुन अवस्थातिर हुइँय्या दिंदै हुनुहुन्छ । अचम्म अनि गजब छ ।

रातो रगत पानीमा परिवर्तन भएको छ । यो किन भयो यसको उत्तर आजभोलि सिंहदरबार तिर सोध्न जानु पर्ने भएको छ । व्यवस्था र अवस्थाको पनि एउटा सीमा हुन्छ भन्ने गरिन्थ्यो । आज सबै सिमाना आफ्नो र आफूलाई बनाउँदा बाँकीको गला घोटिएको छ । कुन थियो लक्ष्य, कुन थियो उद्देश्य एउटा रमाइलो कथाजस्तो भएको छ ।

नत हामी व्यक्तिसँग रिसिबी देखाउन चाहन्छौँ । नत कुनै दुस्मनी नै छ । एक आपसमा जति दुस्मनी अवस्था थियो, त्यसको जिम्मेवार को ? त्यसबाट कसलाई के उपलब्धि भयो त ? होइन भने जवाफ पनि त दिन प¥यो ।

व्यवस्था परिवर्तन भयो, यो उपलब्धि हो र मान्दछौँ पनि । तर के व्यवस्था मात्र परिवर्तन हुनु हाम्रो आवश्यकता हो त ?

हर कुराको एउटा निश्चित उद्देश्य हुनुपर्ने बेलामा कति बेला कसले हामीजस्ता सर्वसाधारण नागरिकलाई आफ्नो फाइदाका लागि प्रयोग गर्छन् भनेर बुझ्नै नसकिने रहेछ ।

अहिलेको यो परिवेश ल्याउन जिम्मेवार को त ? युवा जति खाडीमा, नेता जति गाडीमा भन्ने अवस्था आएको छ । हाम्रो पसिनाको मूल्य खै त ?

सरसर्ती हेर्दा कहिले ओलीको साथमा कुर्चीका लागि मिलाप अनि त्यही नपाउँदा अर्कोसँग मिलाप । कमरेडहरूलाई सोध्न मन लाग्छ, यदि यसै गर्नु थियो भने त्यो आन्दोलन किन र के का लागि गरियो ?

अर्कोतर्फ विप्लवको कुरो नि उही आयो । प्रचण्डको विरोध गरी फेरि नागरिकलाई अर्को आस देखाएर नागरिकका लागि फेरि अर्को लडाइ लड्छौँ भनेका थिए । अलग धार बोकेको मान्छे भनेको खै त ? उपलब्धि यही हो त ।

यसको अर्थ त नागरिकलाई परिवर्तनको आस देखाइयो अनि दुःख मात्र दिइयो । नेताको विचार समय अनुकूल परिवर्तन भए, आफ्नो फाइदाको लागि । न हाम्रो लागि रोजगारी छ । न त देशमै फर्किएर केही गरौँ न त भन्न पनि वातावरण छ । जति कराए पनि चिच्याए पनि अहिलेको अवस्थाले भन्छ : ‘विप्लव केपीलाई, प्रचण्ड माधवलाई, हामी परदेशीलाई केही न केही ।’

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्