बाघ र रेडपाण्डाको छालासहित आठ जना पक्राउ

चैत १४, २०७७ शनिबार १६:३४:८ | अमर सुनार

दैलेख – दैलेखको नारायण नगरपालिका – ३ खुर्सानीबारी पिपलचौताराबाट बाघ र रेडपाण्डा (हाब्रे)को छालासहित आठ जना पक्राउ परेका छन् ।

नौमुले बजारबाट दैलेख बजार हुँदै सुर्खेत लैजान लागिएको अवस्थामा तीन वटा रेडपाण्डा र एक बाघको छालासहित आठ जनालाई पक्राउ गरिएको प्रहरीले जनाएको छ ।

बोलेरो गाडीमा आउँदै गरेको बेला शनिबार बिहान २ बजेतिर उनीहरुलाई पक्राउ गरिएको जिल्ला प्रहरी कार्यालय दैलेखका निमित्त इञ्चार्ज प्रहरी निरीक्षक इन्द्रजीत सुनारले जानकारी दिनुभयो ।

पक्राउ पर्नेमा नौमुले गाउँपालिकाका ३३ वर्षीय कविराम अधिकारी, ३३ वर्षीय धनबहादुर पुरी, ४५ वर्षीय हस्तबहादुर थापा, २२ वर्षीय दलबहादुर खत्री, ५१ वर्षीय धनबहादुर मगर र गाडी चालक १९ वर्षीय रोशन बस्नेत रहेका छन् ।

यस्तै छिमेकी गाउँ भगवतीमाई गाउँपालिकाका २७ वर्षीय गोबिन्द थापा र ५६ वर्षीय धनबहादुर रावत पनि पक्राउ परेका छन् । पक्राउ परेका सबैजना विरुद्ध वन्यजन्तु ओसारपसार कसूरमा मुद्दा लगाइएको डिभिजन बन कार्यालय दैलेखले जानकारी दिएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अमर सुनार

दैलेखका उज्यालो सहकर्मी अमर सुनार मानवअधिकारको क्षेत्रमा पनि काम गर्नुहुन्छ ।

1 Comments

harihar singh rathour
March 27, 2021, 4:42 p.m.
यो सवै अपजस जाजरकोट वाट वनमन्त्री भएका निकम्माहरुलाई जान्छ । मैले जाजरकोटको जुनीचांदे र दैलेखको नौमुलेमा रेडपाण्डा छन संरक्षण गरौं भन्दा नौमुलेका अध्यक्षको गिदीमा गोवर पसेकै हो, तर यी छाला जाजरकोटवाट आएका हुन सक्छन् । तस्करहरुले अनाहकमा रेडपाण्डा सक्ने भए , जाजरकोट जिल्लाका निकम्मा वनमन्त्रीले चासोनै देखाएनन । पत्रकारज्यु यो छाला वाघको हैन चितुवाको हो, वन्यजन्तु नचिन्ने पुलिस र पत्रकार उस्तै ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बाघ र रेडपाण्डाको छालासहित आठ जना पक्राउ

1 Comments

harihar singh rathour

तपाईको प्रतिक्रिया

तपाईको प्रतिक्रिया