दाङ : नेपाल-भारत सीमानाकामा थप कडाइ

वैशाख १८, २०७८ शनिबार ११:३९:२३ | हेमराज शर्मा

दाङ - कोरोना भाइरसकाे सङ्क्रमण दर बढेसँगै भारतसँग सीमा जोडिएको दाङका सबै नाकाहरूमा कडाइ गरिएको छ ।

मुख्य सीमानाका बन्द गरिए पनि खुला सीमाका कारण मानिसहरु वैकल्पिक बाटो प्रयोग गरेर आवतजावत गर्दै आइरहेकाले नाकामा कडाइ गरिएकाे दाङका प्रमुख जिल्ला अधिकारी दीर्घनारायण पौडेलले जानकारी दिनुभयो ।

दाङ कोरोना भाइरस सङ्क्रमणकाे जोखिममा रहेकाले सुरक्षित राख्न, सङ्क्रमण रोकथाम एवम् नियन्त्रणका लागि कोइलाबास नाका लगायत अन्य खुला क्षेत्रबाट हुने आवागमन बन्द गरिएको पौडेलले बताउनुभयो ।

‘भारतमा कोरोना भाइरस तीव्र रुपमा फैलिएको छ । नेपालमा उच्च सतर्कता अपनाउने उद्देश्यले भारतसँग जोडिएका नाकामा नेपाल प्रहरी, सशस्त्र प्रहरी परिचालन गरी थप कडाइ गरिएको हाे ' पौडेलले भन्नुभयो ।

यस्तै कोइलाबास नाकामा हेल्थ डेस्क स्थापना गरिएको छ ।

मजदूरीका लागि गएका नेपाली नागरिकहरु भारतमा लकडाउन भएलगत्तै नेपाल भित्रिन थालेपछि कोइलाबास नाकामा स्वास्थ्य जाँचका लागि हेल्थ डेस्क स्थापना गरिएको गढवा गाउँपालिका अध्यक्ष सहजराम यादवले बताउनुभयो।

‘भारतीय नागरिकलाई नेपाल प्रवेशमा पूर्णरुपमा रोक लगाइएको छ । नेपाली नागरिकहरुलाई भने सीमाक्षेत्रमा स्वास्थ्य जाँच गरी नेपाल प्रवेश गराइएको छ' अध्यक्ष यादवले भन्नुभयो।

जाँचको क्रममा भेटिएका बिरामीलाई तुरुन्तै गढवामा रहेकाे नेपाली सेना बस्ने भवनमा पालिकाले निर्माण गरेकाे अक्सिजनसहितको आइसोलेशनमा पठाइने उहाँले बताउनु भयाे ।

अन्तिम अपडेट: पुस २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्