मोटरसाइकल दुर्घटनामा उज्यालोका डोटी सहकर्मी बिमल बिष्ट गम्भीर घाइते

भदौ ८, २०७५ शुक्रबार १४:४४:३६ | उज्यालो सहकर्मी

डोटी – डोटीको सुनगडा क्षेत्रमा शुक्रबार भएको मोटरसाइकल दुर्घटनामा उज्यालोका डोटी सम्वाददाता बिमल बिष्ट गम्भीर घाइते हुनुभएको छ ।

दिपायलबाट डडेल्धुरा जाँदै गरेको से १ ज ५२१ नम्बरको जिपसँंग र बिष्टले चलाएको विपरीत दिशाबाट आइरहेको से ३ क ५१५७ नम्बरको मोटरसाइकल ठोक्किँदा दर्घटना भएको इलाका प्रहरी कार्यालय पिपल्लाका प्रहरी नायव निरीक्षक लोकेन्द्र बहादुर मल्लले बताउनुभएको छ । ठक्कर दिने जिप र चालकलाई प्रहरीले नियन्त्रणमा लिएको छ ।

प्रहरीका अनुसार दुर्घटना शुक्रबार मध्याह्न १२ बजेर १० मिनेटमा स्थानीय कुलपाते र पिपल्लाको बीचमा पर्ने सुनगडामा भएको थियो ।

घटनामा मोटरसाइकल पछाडि बसेका डोटीकै राजपुरमा मेडिकल चलाउँदै आएका नन्दन महरा पनि गम्भीर घाइते भएको जनाइएको छ ।

दुवै घाइते बिष्ट र महरालाई स्थानीय शैलेश्वरी अस्पतालमा उपचार हुन नसके पछि एम्बुलेन्समा धनगढी पठाइएको स्थानीय पत्रकार रामहरी ओझाले उज्यालोलाई जानकारी दिनुभयो ।

घाइते बिष्ट उज्यालाे रेडियाे नेटवर्क तथा उज्यालाे अनलाइन, नेपाल समाचारपत्र दैनिक र स्थानीय नेपाल पथ दैनिकमा अावद्ध हुनुहुन्छ l

अन्तिम अपडेट: कात्तिक १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्