काठमाण्डौ - नेकपा एमालेका नेता माधव कुमार नेपालले प्रतिनिधि सभा विघटन गरेर मध्यावधि चुनावको घोषणा हुनुलाई प्रतिगमनको भाग–२ भन्नुभएको छ ।

ट्वीटमार्फत उहाँले प्रधानमन्त्री केपी शर्मा शर्मा ओलीले प्रतिगमन दोहोर्याएको आरोप लगाउनुभयो । 

षड्यन्त्रकारीहरूको उक्साहट र चाहनामा फेरि पनि संसद्को चीरहरण भएको छ। प्रतिगमन दोहोरिएको छ । संविधानका मर्ममाथि प्रहार गर्दै सर्वसत्तावाद लाद्ने उद्देश्यले भएको कथित चुनावको उदघोष जालझेल हो । यो व्यवस्था नै कू गर्ने अग्रसरता हो । शीतल निवासले संविधानको मर्मलाई कुठाराघात गरेको छ ।

— Madhav Kumar Nepal (@ncp_madhavnepal) May 22, 2021

शीतल निवासले संविधानको मर्मलाई कुठाराघात गरेको भन्दै उहाँले यो कदमको डटेर प्रतिवाद गर्नुपर्ने बताउनुभएको छ । उहाँले षड्यन्त्रकारीहरुको उक्साहट र चाहनामा फेरि पनि संसदको चीरहरण भएको आरोपसमेत लगाउनुभएको छ ।

यस्तै उहाँले चुनावको उद्घोष जालझेल भएको भन्दै व्यवस्था नै 'कू' गर्नेतर्फको अग्रसरता देखिएको बताउनुभयो ।