वैदेशिक रोजगार बोर्डले १९ सय ३७ बालबालिकालाई शैक्षिक छात्रवृत्ति प्रदान गर्ने

जेठ ९, २०७८ आइतबार १५:२१:४५ | उज्यालो सहकर्मी

काठमाण्डौ – वैदेशिक रोजगार बोर्डले शैक्षिक सत्र २०७८ का लागि ५२ जिल्लाका १९ सय ३७ जनालाई छात्रवृत्ति प्रदान गर्ने भएको छ ।

अघिल्लो वर्ष निकालेको सूचनामा ७४ जिल्लाबाट २६ सय वटा निवेदन प्राप्त भएको र प्राप्त निवेदन मध्ये अहिलेसम्म ५२ जिल्लाका १९ सय ३७ जना छात्रवृत्ति पाउन योग्य भएको बोर्डले जनाएको छ ।

बोर्डका कार्यकारी निर्देशक राजन प्रसाद श्रेष्ठका अनुसार १९ सय ३७ जनाका लागि छात्रवृत्ति रकम एक करोड ८५ लाख २ हजार रुपैयाँ हुन आउँछ । त्यो रकम जिल्ला अनुसार चेक तयार भएको र सम्बन्धित जिल्ला शिक्षा कार्यालयलाई पठाउने तयारी भइरहेको उहाँले बताउनुभयो ।

अझै बाँकी जिल्लाको भने निवेदन उपर छानबिन भइरहेको । कार्यविधि अनुसार निवेदन दिनेहरू योग्य भएमा सबैले यो छात्रवृत्ति पाउँछन् ।

कार्यविधि अनुसार वैदेशिक रोजगारीको सिलसिलामा मृत्यु भएका, अङ्गभङ्ग, अशक्त र बेपत्ता भएका श्रमिकका छोराछोरीले वैदेशिक रोजगार बोर्डमार्फत शैक्षिक छात्रवृत्ति पाउने व्यवस्था छ । सरकारले पहिलो चरणमा भने वैदेशिक रोजगारीको क्रममा ज्यान गुमाएका कामदारका बालबालिकालाई छात्रवृत्ति प्रदान गर्ने जनाएको छ ।

माध्यमिक तहसम्म पढ्ने बालबालिकाले बोर्डमार्फत प्रदान गर्ने छात्रवृत्ति पाउँछन् । यस्तो छात्रवृत्ति एक कक्षाका लागि एक पटक मात्र उपलब्ध हुन्छ । आधारभूत तहमा बढ्ने बालबालिकाले वर्षमा आठ हजार रुपैयाँ र माध्यमिक तहमा पढ्नेले वार्षिक १२ हजार रुपैयाँ छात्रवृत्ति पाउँछन् ।

छात्रवृत्ति लिन के गर्ने ?

हरेक शैक्षिक सत्रका लागि वैदेशिक रोजगार बोर्डले सूचना प्रकाशित गर्छ । सूचना प्रकाशित गरेको बेला तोकिएको समयभित्र निवेदन दिनुपर्छ ।

निवेदन दिँदा साथमा कामदारको श्रम स्वीकृतिको प्रतिलिपि, बालबालिकाको संरक्षकको नागरिकताको प्रमाणपत्रको प्रतिलिपि, यदि कामदारको मृत्यु भएको भएमा मृत्यु दर्ताको प्रमाणपत्र वा अङ्गभङ्ग वा गम्भीर बिरामी भएको त्यसलाई प्रमाणित गर्ने मान्यताप्राप्त डाक्टरको सिफारिस पत्र अनिवार्य चाहिन्छ । निवेदन दिने बालबालिका र श्रमिकबीच नाता प्रमाणको प्रतिलिपिका साथै आफ्नो सम्बन्धित पालिकाको सिफारिसको प्रतिलिपि पनि निवेदनका साथ पेस गर्नुपर्छ ।

यसका साथै कामदार करार अवधि भित्रै अङ्गभङ्ग वा गम्भीर बिरामी भई समस्यामा परे स्वदेश फर्किएको खुल्ने कागजात पनि चाहिन्छ ।

यसबारे थप बुझ्न श्रम कल सेन्टरमा निःशुल्क नेपाल टेलिकमका नम्बरहरूबाट ११४१ नम्बरमा अथवा १६६०००१५०००५ मा र विदेशबाट सः शुल्क ९७७ १५९७००८ नम्बरमा र भाइबरमार्फत ९७७९८०१८०००१३ नम्बरमा फोन गर्न सकिन्छ ।

अन्तिम अपडेट: पुस ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्