सुजिता ठाकुर हत्या प्रकरण : घटनाको एक महिनापछि प्रहरी कार्यालयमा जाहेरी दर्ता

असार २१, २०७८ सोमबार १९:५४:५९ | धनवीर महतो

महोत्तरी – घटना भएको एक महिनापछि सुजिता ठाकुर हत्या प्रकरणमा जिल्ला प्रहरी कार्यालय महोत्तरीमा जाहेरी दर्ता भएको छ । मृतक सुजिताका माइती पक्षले जिल्ला प्रहरी कार्यालयमा सोमवार कर्तव्य ज्यान उद्योगमा जाहेरी दर्ता गराएका हुन् ।

गएकाे जेठ २० गते महोत्तरीको लोहरपट्टी नगरपालिका ७ भमरपुरा गाउँमा ससुराली रहेको सुजिता ठाकुरलाई ससुराली पक्षबाटै हत्या गरिएको आरोप लगाउँदै जिल्ला प्रहरी कार्यालयमा जाहेरी दर्ता भएको हो ।

घटना भएको बेला सुजिताको ससुराली पक्षले अर्कै व्यक्तिसँग भागेको हल्ला चलाएकाे थियाे तर त्यसकाे दुई दिनपछि सुजिताका माइती पक्षले इलाका प्रहरी कार्यालय पर्सामा खोजीकाे निवेदन दिएका थिए । खाेजीकै क्रममा सुजिताका पाँच वर्षीय छोराले आमालाई काका र हजुरबुबाले मारेको बताएपछि घटना अन्यत्रै माेडिएकाे थियाे । त्यसपछि खोजी गर्ने क्रममा प्रहरीले सुजिताको शव उनकै खेतमा गाडिएको अवस्थामा भेटेकाे थियाे ।

यसअघि गएकाे असार ४ गते पीडित परिवारले जिल्ला प्रहरी कार्यालयमा दिएको जाहेरी जिल्ला प्रहरी कार्यालयले दर्ता गर्न नमानेको बताइएकाे थियाे । पछि असार ६ गते प्रहरीले सुजिताको खोजीकाे निवेदन मात्र लिएकाे थिए । तर पनि प्रहरीले त्यति चासाे नदिएकाे पीडित पक्षले बताउँदै आएका थिए । त्यसपछि साउदीबाट सुजिताका दाइ जितेन्द्र पाण्डेले सामाजिक अभियन्ता सरोज रायलाई सहयाेगका लागि आग्रह गर्नुभएपछि पीडित परिवारले दिएको जाहेरी दरखास्त महोत्तरी जिल्ला प्रहरी कार्यालयमा दर्ता भएको बताइएकाे छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सुजिता ठाकुर हत्या प्रकरण : घटनाको एक महिनापछि प्रहरी कार्यालयमा जाहेरी दर्ता

फाइल फाेटाे

तपाईको प्रतिक्रिया