‘कस्मिक लभ’मा ह्याण्डसम भिलेनको रोमान्स

भदौ १२, २०७५ मंगलबार १५:२६:२ | उज्यालो सहकर्मी

काठमाडाैं - चलचित्र ‘कस्मिक लभ’मा समावेश ‘कोया कटरको...’ बोलको गीत सार्वजनिक भएको छ । रामचन्द्र काफ्ले र लक्ष्मी स्याङ्गताङ्गले स्वर दिएको गीतमा ह्याण्डसम भिलेनका रुपमा परिचित प्रशान्त ताम्राकार र अभिनेत्री दीया मास्केको रोमान्स देख्न सकिन्छ ।

प्रशान्तले यसअघि आफूलाई नायकका रुपमा काम गर्ने चाहाना भएको बताउँदै आएका थिए । उनको अभिव्यक्तिपश्चात दर्शकले समेत उनलाई नायकका रुपमा हेर्न चाहेका थिए । दर्शकको यो चाहाना अब चलचित्र ‘कस्मिक लभ’ ले पूरा गर्दैछ । प्रशान्तलाई पहिलो पटक रोमान्टिक अवतारमा देख्न पाइने भएको छ ।

चलचित्रमा उनले अभिनेत्री दीया मास्केसँग रोमान्स गरेका छन् । सार्वजनिक गीतमा प्रशान्त र दीयाको प्रेमभाव स्पष्ट झल्किएको छ । दिनेश सुवेदीको शब्द रहेको उक्त गीतमा बाबुल गिरीको संगीत रहेको छ । गीतको कोरियोग्राफी रविन शाहले गरेका हुन् । बि.एस. बलामी र एस.अधिकारीको संयुक्त निर्देशन रहेको चलचित्रमा शेखर ज्ञवालीको कथा, गौतमराज खड्काको सम्पादन, राहुल राईको छायांकन रहेको छ ।

‘कस्मिक लभ’लाई सुरज प्रधानले निर्माण गरेका हुन् । रोमान्टिक, कमेडी र सस्पेन्स जनरामा निर्माण भएको चलचित्रमा प्रशान्त ताम्राकार र अभिनेत्री दीया मास्केका अलावा राजाराम पौडेल, रिजन थापा, पूजन थापा,अर्पण थापा, रविन तामाङलगायतका कलाकारहरुको मुख्य भूमिका छ ।

अन्तिम अपडेट: कात्तिक १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्